Çështja e bujshme në SHBA, avokatët e Mangione ndryshojnë strategji në gjyqin për vrasjen e Brian Thompson

Avokatët e të pandehurit të akuzuar për vrasjen e Drejtorit Ekzekutiv të UnitedHealthcare, Brian Thompson, kanë hequr dorë nga mbrojtja psikiatrike në gjyqin shtetëror ndaj tij.

Luigi Mangione, 28 vjeç, është deklaruar i pafajshëm për akuzat federale dhe shtetërore që lidhen me vrasjen e Thompson në Manhattan në fund të vitit 2024.

Fillimisht, avokatët e tij kishin deklaruar se do të argumentonin se ai vuante nga “shqetësime ekstreme emocionale në kohën e ngjarjes”, por një ditë më pas ndryshuan qëndrim, pa dhënë një shpjegim publik për këtë vendim.

Ky ndryshim erdhi pak para afatit të vendosur nga gjykata, që kërkonte nga mbrojtja të dorëzonte prova për mbrojtjen psikiatrike në zyrën e prokurorit të Manhattanit.

Sipas ekspertëve ligjorë, një mbrojtje e tillë mund të kishte çuar në një dënim më të lehtë nëse pranohej nga juria, duke e klasifikuar ngjarjen si vrasje të paqëllimshme dhe jo si vrasje të qëllimshme.

Mangione përballet gjithashtu me akuza federale për përndjekje, të cilat mund të sjellin dënim me burgim të përjetshëm.

Seanca e radhës gjyqësore është caktuar për 11 gusht, ndërsa gjyqi shtetëror pritet të nisë më 8 shtator.

Ai u arrestua disa ditë pas vrasjes së Brian Thompson, i cili u qëllua në Manhattan më 4 dhjetor 2024 teksa po hynte në një hotel për një konferencë investitorësh.

Anulimi i bisedimeve SHBA-Iran në Zvicër dhe sulmet në Liban ngrenë sërish çmimin e naftës

11:05 Bota

Sulme ajrore izraelite në Libanin jugor, raportohet për të paktën 16 të vrarë

09:50 Bota 1 koment

SHBA godet një tjetër anije të dyshuar për drogë, tre të vrarë në Paqësor

09:30 Bota

Moment i sikletshëm në Shtëpinë e Bardhë/ Trump has vështirësi t’i vendosë medaljen veteranit, detyrohet ta lidhë me nyjë para kamerave

09:10 Bota 2 komente

Inaugurimi i Qendrës Presidenciale të Obamës, të pranishëm katër ish-presidentë, kritika të ashpra ndaj Trump-it

09:00 Bota

“Kurthi i luftës” i Putinit dhe çmimi i mundshëm për paqe

08:50 Bota 2 komente

Londër/ Trupi i një burri gjendet në pjesën e poshtme të avionit në aeroportin Gatwick

08:40 Bota 1 koment

Marrëveshja SHBA-Iran në fazë delikate, shtyhen kontaktet e para në Gjenevë! Teherani paralajmëron se Libani do të ndikojë bisedimet

08:20 Bota 1 koment

Sulmet ruse godasin zonat e banuara në Ukrainë, viktima në Sumy

08:10 Bota

Fitorja e Andy Burnham trondit Laburistët, shtohen spekulimet për sfidë ndaj Starmerit

07:30 Bota