Te fundit
Moment i sikletshëm në Shtëpinë e Bardhë/ Trump has vështirësi t’i vendosë medaljen veteranit, detyrohet ta lidhë me nyjë para kamerave
19 Qershor 2026, 09:10Bota
TEMA
Presidenti i SHBA-së, Donald Trump, u përball me një moment të sikletshëm gjatë një ceremonie në Shtëpinë e Bardhë, ku po nderonte tre veteranë ushtarakë me Medaljen e Nderit, dekorata më e lartë ushtarake amerikane.
Gjatë ceremonisë, Trump pati vështirësi t’i vendoste medaljen në qafë Majorit të Ushtrisë, Nicholas Dockery. Siç u pa edhe në pamjet e publikuara, presidenti amerikan u përpoq për disa sekonda ta fiksonte medaljen, por pa sukses. Pas një momenti ngurrimi dhe heshtjeje, ai zgjodhi një zgjidhje praktike, duke lidhur shiritin e medaljes me një nyjë.
Ndryshe ndodhi me Majorin e Marinës, James Capers Jr., të cilit Trump ia vendosi medaljen pa asnjë problem.
Medalja e Nderit iu dha tre veteranëve për akte të jashtëzakonshme heroizmi në Vietnam dhe Afganistan. Përveç Capers Jr. dhe Dockery, dekorata iu akordua pas vdekjes edhe Kolonelit të Marinës, John Ripley, i cili ndërroi jetë në vitin 2008.
“Këta janë burra të shkëlqyer, njerëz të shkëlqyer. Ju falënderojmë dhe nuk do t’ju harrojmë kurrë”, deklaroi Trump gjatë ceremonisë.
James Capers Jr., 88 vjeç, u nderua për guximin e treguar gjatë një misioni në Vietnam në vitin 1967. I plagosur rëndë pas një shpërthimi mine, ai mori komandën e njësisë së tij, thirri mbështetje ajrore dhe siguroi evakuimin e të gjithë ushtarëve të plagosur përpara se të largohej vetë nga zona e luftimeve.
Nicholas Dockery u dekorua për veprimet heroike në Afganistan në vitin 2012, kur njësia e tij u përball me një pritë nga rreth 150 luftëtarë talebanë. Ai shpëtoi ushtarë të plagosur nën zjarr, eliminoi dy sulmues që rrezikonin jetën e një kolegu dhe refuzoi të largohej nga zona derisa të gjithë të plagosurit të transportoheshin në siguri.
Ndërsa Koloneli John Ripley u nderua pas vdekjes për një operacion të jashtëzakonshëm në Vietnam në vitin 1972, kur vendosi i vetëm rreth 500 kilogramë eksplozivë për të shkatërruar një urë strategjike, duke penguar avancimin e mbi 30 mijë ushtarëve dhe qindra tankeve të Vietnamit të Veriut.
Ceremonia u shoqërua me emocione dhe vlerësime për sakrificat e veteranëve, ndërsa momenti i Trump me medaljen tërhoqi gjithashtu vëmendjen e mediave dhe rrjeteve sociale.
???? LMAO! President Trump has a hard time putting the Medal of Honor on Major Nicholas Dockery and the room is cracking up
— Eric Daugherty (@EricLDaugh) June 18, 2026
"Ooh! I'm gonna do it a little differently, a little nicer. That sucker's NEVER coming off!" ???? pic.twitter.com/bbV7cH3n7d
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
keto jane lajmet e Mero Ka..., ai eshte gjigand, ai eshte i biri perendise, mbas vizitave mjekesore mjeket o atestuan: si djale i ri 28 vjecare por duhet te bije pak nga pesha. Krenare qe jetojme ne epoken e tij, nqs se do te duhet i falim nga ditet tona zeusit te perendise
Babloku nuk di as te lidh nyje. As te logjikoje. As te flas. Kane zgjedhur nje njeri me prapambetje mendore.