Te fundit
Europa kërkon partnerë të rinj
17 Nëntor 2025, 20:30Bota
TEMA
Në një konferencë të përbashkët për shtyp me presidentin qipriot, Nikos Christodoulides, kancelari gjerman Freidrich Merz ka nënvizuar nevojën e madhe të partneritetit strategjik me Turqinë, në dritën e ndryshimeve në mjedisin gjeopolitik.
"Turqia luan një rol kritik. Kam theksuar nevojë për një bashkëpunim më të ngushtë me Turqinë në dritën e situatës gjeopolitike…Jam gati së bashku me stafin tim, të marr përsipër këtë detyrë për të siguruar që ndarja e ishullit të tejkalohet hap pas hapi në të paktën disa zona", ka thënë ai.
Në vazhdën e një kohe që e ka vënë analizën gjeopolitike në plan të parë, qëndrimi i Merz reflekton një vonesë gati historike. Turqia ka qenë aty me një kerkesë për t’u integruar në Europë prej dekadash, por ajo është shpërfillur. Ca për paragjykim, ca për fobi, ca për arrogancë dhe ca për mungesë vizioni.
Gjeopolitikën e Merz sot e dikton nevoja, ankthi i rënies nga lista e vendeve që kanë me të vërtetë peshë në një botë në ndryshim dhe në të cilën aksi i pushtetit po zhvendoset. Në këtë kuptim qasja europiane dhe gjermane ndaj realiteteve të reja është reaktive dhe jo aktive; ajo nuk është iniciativë, por reagim dhe kjo e bën Europën subjekt të lojës së tjetërkujt.
I gjithë sistemi i pretenduar për parashikime, për studime, analiza dhe jetëgjatësi në politikat e ndjekura, vjen e katandiset në një lypje pa skrupull duke na dëshmuar se demokracitë perëndimore kanë qenë në fakt sistemet burokratike të inercisë dhe status quosë. Ndaj edhe dështimi është përfundim logjik.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tashme Turqia nuk ka nevoje aspak per BE nese kjo nuk riformatohet/rikrijohet me Turqine si nje nga vendet themeluese te nje Federate te Shteteve Evropiane; ndryshe ka ik vapa me gushtin. Kjo federate e re duhet te kete nje ushtri, nje monedhe, nje politike tejashtme, dhe nje buxhet federal, ndryshe Evropa e Bashkuar ka rene si koncept. Ne kete federate duket se nuk mund te jene shtetet si Hungaria, Sllovakia dhe Bullgaria ku ndikimi rus dikton. Anglia do ti bashkohet kesaj federate, ndryshe do te duhet ti bashkohet ShBA-se.