Te fundit
Çfarë tregon pushimi nga puna i gjeneralit rus që kritikoi udhëheqësit ushtarakë?
13 Korrik 2023, 22:00Bota
TEMA
Komandantët rusë jetojnë një “natë të gjatë”, mes promovimeve dhe rehabilitimeve.
Njeriu i ditës është gjenerali, Ivan Popov, i cili njoftoi se u lirua nga detyra për denoncimin e keqadministrimit të operacioneve në Ukrainë.
Kontrasti u zbulua nga vetë protagonisti, përgjegjës për Ushtrinë e 58-të, me një transmetim audio 4-minutësh nga Andrei Guryulov, një parlamentar me pozicione nacionaliste.
Në regjistrim Popov pretendon se “ukrainasit nuk arritën t’i kalonin linjat tona, por ne u goditëm me thikë pas shpine nga udhëheqësit tanë”.
Oficeri vuri në dukje mangësitë e artilerisë në përgjigjen ndaj sulmeve të armikut dhe zbulimit të dobët, ndoshta sepse ka pak dronë ose neutralizohen nga kundërmasat.
Pastaj ai pranon humbje masive.
Këto nuk janë aspekte të paprecedentë, të raportuara tashmë ditët e fundit nga dëshmitë e shumta nga fronti i jugut.
Sipas një rindërtimi tjetër, Popov nuk do të ishte kufizuar në mesazhin, por do të kishte folur qartë dhe drejtpërdrejt gjatë një interviste me shefin e shtabit Valeri Gerasimov.
Takimi u zhvillua në Berdyansk, një qytet i goditur nga një sulm me raketa që do të kishte shkaktuar shumë vdekje, mes tyre gjeneralin Oleg Tsokov.
Këto detaje të fundit kanë informacione të pasigurta, sidomos në një fazë kaq dramatike.
Nga njëra anë ofensiva e Kievit, nga ana tjetër tensionet për shkak të revoltës së dështuar të mercenarëve, me ngjarje në zhvillim dhe mistere për t’u zgjidhur.
Për ditë të tëra, Rusia ka rilancuar mesazhin qetësues, duke insistuar në projektimin e një imazhi të normalitetit.
Megjithatë, askush nuk ka një ide të saktë se çfarë po ndodh pas mureve të Kremlinit, midis kontakteve konfidenciale dhe pazareve të mundshme.
Dalja e ashpër e Ivan Popov nuk është ajo e një puçisti aspirues, por e një oficeri që drejton departamentet “të rregullta”. .
Pastaj mbetet i panjohuri Surovikin, i cili u zhduk pasi u shfaq në video gjatë kryengritjes së milicisë, një klip në të cilin ai u kërkonte ushtarëve të fatit të mikut të tij Prigozhin të ndalonin.
Një deputet tha të mërkurën se oficeri i lartë ishte duke pushuar dhe nuk ishte “i disponueshëm” për momentin.
Një deklaratë që nuk fshin dyshimet për largimin apo edhe arrestimin e tij, sepse ai konsiderohet shumë i afërt me “rebelët” ose nëse doni, jo aq larg.
“Corriere Della Sera”
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Esht eper te ardhur keq qe keto gjera vetem ne Rusi ndodhin. Asnje gjeneral tjeter ne bote nuk shkarkohet po kritikoi, ne asnje vend te botes nuk kemi degjuar nje gje te tille.
Esht eper te ardhur keq qe keto gjera vetem ne Rusi ndodhin. Asnje gjeneral tjeter ne bote nuk shkarkohet po kritikoi, ne asnje vend te botes nuk kemi degjuar nje gje te tille.
Po ta them une nje rast. Shefi i shtabit te pergjithshem te Great Britain. Do te lirohet para kohe ( me pak se 2 vjet ne detyre)