Te fundit
Greqia kundër shitjes së F-35 Turqisë, Dendias: SHBA duhet të mendojë për stabilitetin në Mesdhe
9 Korrik 2026, 13:45Bota
TEMA
Greqia ka shprehur shqetësim për mundësinë që Shtetet e Bashkuara t’i shesin Turqisë avionë luftarakë F-35, duke kërkuar që çdo vendim të merret duke pasur parasysh sigurinë dhe stabilitetin në Mesdheun Lindor.
Ministri grek i Mbrojtjes, Nikos Dendias, deklaroi se Athina nuk do të ishte e kënaqur nëse Ankaraja do të rikthehej në programin e avionëve F-35 dhe do të siguronte edhe motorë për avionë të gjeneratës së re.
“Greqia nuk është e lumtur që Turqia të marrë F-35. Por nuk është detyra jonë të gjykojmë se çfarë po bëjnë Shtetet e Bashkuara dhe kujt po ia shesin. Pyetja jonë është nëse kjo është në interesin e vërtetë të SHBA-së”, tha Dendias gjatë një konference të organizuar nga “Economist” në Athinë.
Ai theksoi se çdo vendim duhet të marrë në konsideratë marrëdhëniet brenda NATO-s dhe garancitë që një pajisje e tillë ushtarake të mos përdoret kundër një vendi tjetër aleat.
Debati për furnizimin e Turqisë me F-35 është rikthyer pasi presidenti amerikan Donald Trump la të kuptohet se mund të hiqte sanksionet ndaj Ankarasë, të vendosura pas blerjes së sistemit rus të mbrojtjes ajrore S-400.
Turqia u përjashtua nga programi F-35 për shkak të shqetësimeve të SHBA-së se sistemi rus S-400 mund të rrezikojë sigurinë e avionëve amerikanë. Kongresi amerikan ka vendosur kufizime për shitjen e këtyre avionëve ndaj Ankarasë për sa kohë që ajo mban në përdorim sistemin rus.
Ndërkohë, kryeministri grek Kyriakos Mitsotakis, duke folur në samitin e NATO-s në Ankara, shmangu një koment të drejtpërdrejtë për deklaratat e Trump, por theksoi se uniteti i aleancës duhet të bazohet në respektimin e ligjit ndërkombëtar dhe interesave të të gjithë vendeve anëtare.
Më të lexuarat
24 oret e fundit
Javen e fundit
Blog Tema
Lini një Përgjigje