Hapi zjarr ndaj kryeministrit sllovak, 71-vjeçari: E bëra sepse nuk bie dakord me politikat e qeverisë

15 Maj 2024, 20:21Bota TEMA
Hapi zjarr ndaj kryeministrit sllovak, 71-vjeçari: E bëra sepse nuk

Shkrimtari që qëlloi me armë zjarri në drejtim të kryeminsitrit të Sllovakisë ka treguar arsyet se përse e ndërmori aktin ekstrem.

Në një video të bërë publike nga policia, 71-vjeçari Jurai Tsintula shprehet: “E bëra sepse nuk bie dakord me politikat e qeverisë.”

Ai shihet në korridorin e një godine, që mendohet të jetë një komisariat policie, dhe duart i ka të lidhura pas shpinës.

Sipas raportimeve, Tsintula ka bërtitur në drejtim të Fico-s teksa ky i fundit po fliste me mbështetësit e tij dhe kur i është afruar për t'i dhënë dorën, ka hapur zjarr.

71-vjeçari është një nga themeluesit e klubit letrar DÚHA, i hapur në vitin 2005. Deri në vitin 2016 ka qenë president i klubit dhe ka shkruar tre përmbledhje me poezi. Që nga viti 2015 është anëtar i Shoqatës së Shkrimtarëve sllovakë.

Sipas informacioneve, në vitin 2016 ai punonte si shofer në një qendër tregtare në Levice, qytetin që është vendlindja e tij.

Tsintula thuhet se kishte në pronësi të ligjshme armën të cilën e përdori për të shtënë në drejtim të kryeministrit sllovak. Ai u arrestua menjëherë pas incidentit të përgjakshëm.

Për median lokale Aktuality.sk ka folur djali i shkrimtarit, i cili ka thënë se është tronditur nga kjo situatë, ndërsa konfirmoi se babai i tij kishte leje për armë.

4 Komente

  1. B
    Buda

    Eshte i cmendur, iu merzit shtepia dhe do ta prese vdekjen ne burg.

    1. M
      Mos e beso po deshe, por eshte e vertete.

      Nje psikopat nga shofer behet shkrimtar ne moshen 63 vjecare, ky po eshte "talent" ne kete moshe te tjeret dalin ne pension ky cari behet person i degjuar. Atentatin e ka miremenduar i do futut plumbi ne goje ne mes te vegjelise, te behet shem,bull edhe per psikopatet e tjere. Pergjegjesi kane edhe ata qe e kane dhene leje per armembajtje pa i bere testin e idiotit, apo edhe kete qe te japin leje i ketij rrangu jane ?

      1. R
        Realisti

        Nuk duhet të kishte përdorur armën që e kishte me leje nga shteti. E turpshme se si ai vetë respekton ligjin. Një mënyrë tjetër do të ishte shumë më e pranueshme, cfarëdolloj të ishte biles edhe e jashtëligjshme, por jo arma që kishte me leje.

        1. !
          !!??

          Ky psikopati eshte si cenosuma me shoke, kur se pelqen mendimin e tjetrit, nga qe s'ka argument dhe si inferior qe eshte, ceno debili fillon e shane...! Asnje kryeminister s'gezon respektin nga i gjithe populli, dhe sipas ketije psikopati, dhe shume komentues te albanistanit i bie qe te vriten tere kryeministrat e botes...!

          Lini një Përgjigje