Te fundit
Atentati në klinikën e riprodhimit në Kaliforni: Bota nuk duhet të jetë e populluar
18 Maj 2025, 18:59Bota
TEMA
Nga Irene Soave, Corriere della Sera
Mesazhi ka ardhur qartë, edhe nëse ende nuk ka të dyshuar zyrtarë: shpërthimi që shkatërroi një klinikë në Palm Springs, një qytet elegant në Kaliforni me një dendësi shumë të lartë të personazheve të famshëm, rreth orës 11:00 të mëngjesit të së shtunës ishte "pa dyshim një akt i qëllimshëm terrorizmi" (sipas drejtorit lokal të FBI-së, Akil Davis). Dhe sipas informacioneve të pakonfirmuara, të cilat megjithatë i kanë rrjedhur Associated Press nga burime policore, sulmuesi ishte gjithashtu viktima e vetme e shpërthimit, i cili la katër të plagosur. Sipas të njëjtave burime, autori ishte një anti-natalist, i cili përpara gjestit kishte publikuar në internet bindjen e tij se "bota nuk duhet të popullohet".
Objekti i shkatërruar është një degë e rrjetit të klinikave të Qendrave Amerikane të Riprodhimit: domethënë, një klinikë gjinekologjike ku kryhen teknika të ndryshme të riprodhimit me asistencë mjekësore, nga kujdesi parandalues te dhurimi i spermës, e deri te fekondimi in vitro. Mjeku që drejton qendrën, Maher Abdallah, u tha mediave se "aktivitetet do të rifillojnë rregullisht të hënën", por mbi të gjitha se embrionet, sperma e dhuruar dhe laboratori i fertilizimit in vitro nuk ndodhen brenda klinikës dhe për këtë arsye nuk kanë pësuar asnjë dëmtim; pasi, meqenëse ishte e shtunë, nuk kishte pacientë në klinikë.
Atentati, sipas asaj që dihet deri më tani, u krye me një makinë-bombë të parkuar pas klinikës. Atentatori ishte brenda makinës. Shpërthimi shkatërroi çatinë e ndërtesës, shpërndau mbeturinat në një rrugë me pesë korsi aty pranë dhe theu xhamat e dyqaneve deri në 3 km larg.
Klinika që u shënjestrua e përshkruan veten në faqen e saj të internetit si "qendra e parë gjithëpërfshirëse e fertilitetit në Luginën e Coachella-s": ajo ofron shërbime të tilla si vlerësimet e fertilitetit, fekondimi in vitro, dhurimi dhe ngrirja e vezëve, mbështetja riprodhuese për çiftet e të njëjtit seks dhe nëna zëvendësuese. “Kjo është dhunë e pafalshme”, tha Prokurorja e Përgjithshme Pam Bondi në një deklaratë duke përsëritur se “gratë dhe nënat janë gjaku i jetës së Amerikës për Administratën Trump”.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Epo të pjellësh si lepujt, kjo s'ka bythë të rrijë! Është nevojë e domosdoshme për njeriun të lindin një fëmijë, për të provuar dashurinë e shënjtë të prindit për fëmijën, por t'ja futësh me breshëri, pill vit për vit, ky është thjesht ves. Dhe si çdo ves, atëherë kemi të bëjmë me diçka mjaft të dëmshme për shoqërinë. Duket autori ka dashur të sensibilizojë shoqërinë me një akt ekstremisht të ekzagjeruar, për t'u vënë fre çdo tentative jashtë natyrore në raportet riprodhuese të shoqërisë njerëzore.
Ripor-dhimi i cifteve te se njejtitt seks. Ja p.sh. Edi si gruaja e Bilalit te pjelli femije,
Brezat tani Kane gjithmone e me shume problème me riprodhimin nga te gjitha pesticidet qe marrim nepermjet ushqimeve qe konsumojme. Per mua Keto klinika bejene njerez te lumtur perveç rasteve te çifteve te te njetes gjini qe i bejene femijet te ndihen te çorientuar e mos ta gjejne veten, ne nje shoqeri normale. E megjithate prap nuk eshte faji i tyre PO i ligjeve te vende perkatese