Shqipëria u përfaqësua nga Grupi Folklorik i Bashkisë Selenicë, në edicionin e 8-të të Festivalit Ballkanik “Opoja Vallëzon”, mbajtur në Bresanë të Kosovës gjate fundjavës.

Pjesëmarrja e grupit nga Labëria e Vlorës dhe performanca në natën e parë të aktivitetit, u konsiderua një vlerë e shtuar për festivalin pasi për herë të parë nga skena e këtij festivali vallesh u përcoll kënga polifonike e jugut, kjo pasuri botërore e folklorit shqiptar.

Polifonia labe u harmonizua me muzikën dhe ritmet e valleve të grupeve të ardhura nga Polonia, Kroacia, Turqia, Bullgaria, Bosnjë-Hercegovina, Maqdonia e Veriut, Qipro, Mali i Zi si dhe ansamblet vendase.

Kryetari i komunës së Dragashit, Bexhet Xheladini, priti në një takim të ngrohtë e vëllazëror kryetarin e Bashkisë Selenicë, Nertil Bellaj, gjatë të cilit folën për vlerat e trashëgimisë kulturore në dy brigjet e Drinit si dhe nevojën për shkëmbime të ndërsjella të këtyre vlerave përmes aktiviteteve kulturore por edhe festivaleve të cilët, veç të tjerash, krijojnë ura lidhje e bashkëpunimi mes vëllezërve. A.K./TemA

Zidane prezantohet si komisar teknik i Francës: Do t’i bëjmë gjërat ndryshe!

“Përgjegjësia është individuale”, Ambasada shqiptare detyron BBC-në të korrigjojë titullin: Nuk ishin “shqiptarët”, por tre persona

I dënuar për vrasje në vitin 1997 - Ndërron jetë në burgun e Fierit 52-vjeçari Artur Doku

Përplasje SHBA-Francë në OKB, delegacioni amerikan braktis mbledhjen pas kritikave për votimin mbi të drejtat e njeriut

Dosja “Partizani” - Apeli i Posaçëm lë në fuqi sekuestron ndaj 25 pasurive të Malltezit

“A ia vlejti ajo që kalova për këtë foto?”, Britney Spears reflekton për të kaluarën e saj të vështirë

Protesta, Rama dhe shumica e shqiptarëve që nuk janë në protestë!