Kush e ka fajin? Pesë muaj pas tragjedisë ajrore në Indi hetimi mbetet në kaos

Gati pesë muaj pas përplasjes së avionit Air India 171, që mori 260 jetë njerëzish vetëm 32 sekonda pas ngritjes nga aeroporti i Ahmedabadit më 12 qershor, hetimi zyrtar është kthyer në një debat të ashpër publik mes ekspertëve, kompanisë dhe gjykatave.

Raporti paraprak i publikuar në korrik u kritikua për fokusin e tepruar tek pilotët, duke lënë në hije mundësinë e një defekti teknik në avionin Boeing 787. Gjykata e Lartë e Indisë, që po shqyrton kërkesën e babait të kapitenit të avionit për një hetim të pavarur, u shpreh të premten se “askush nuk mund ta fajësojë kapitenin për këtë tragjedi”.

Raporti i përkohshëm sugjeronte se pak sekonda pas ngritjes, komandat e karburantit ishin kaluar gabimisht në pozicionin “cutoff”, duke i prerë furnizimin motorëve. Kjo u interpretua si gabim njerëzor ose veprim i qëllimshëm, por ekspertë të sigurisë ajrore kanë hedhur poshtë këtë version.

Kapiten Amit Singh nga Safety Matters Foundation në Indi tha se provat teknike “mbështesin fort teorinë e një defekti elektrik” që mund të ketë shkaktuar mbylljen automatike të motorëve përmes sistemit kompjuterik FADEC. Ai argumenton se regjistrimet mund të kenë regjistruar urdhra dixhitalë, jo lëvizje fizike nga pilotët.

Këtë teori e mbështet edhe Foundation for Aviation Safety në SHBA, e drejtuar nga ish-menaxheri i Boeing, Ed Pierson, i cili e quajti raportin “jashtëzakonisht të mangët” dhe akuzoi autoritetet se po përpiqen të largojnë vëmendjen nga vetë avioni.

Në anën tjetër, ish-inspektorja e Departamentit Amerikan të Transportit, Mary Schiavo, mendon se raporti u hartua me nxitim për shkak të presionit publik dhe se është e mundur që shkaku të ketë qenë “një dështim kompjuterik ose mekanik”.

Hetimet zyrtare po drejtohen nga Byroja Indiane e Hetimeve të Aksidenteve Ajrore (AAIB), me pjesëmarrjen e ekspertëve amerikanë për shkak se avioni dhe motorët janë prodhuar në SHBA. Raporti përfundimtar pritet brenda vitit, megjithëse autoritetet rrallë respektojnë afatin 12-mujor.

Deri atëherë, misteri për shkakun e tragjedisë që tronditi Indinë mbetet i pazgjidhur, ndërsa familjet e viktimave kërkojnë transparencë dhe drejtësi.

SHBA merr bazën ajrore në Damask nga Al-Sharaa, 1000 trupa amerikane zbarkojnë në Siri

09:41 Bota 6 komente

Donald Trump favorizon aleatin e tij Orban: Asnjë sanksion Hungarisë për naftën dhe gazin rus, Europa duhet ta respektojë këtë lider të madh

09:30 Bota 4 komente

Sekretari amerikan i Mbrojtjes nis spastrimin e krerëve ushtarakë, pa asnjë sqarim

09:24 Bota 1 koment

Pse u zemërua Vladimir Putin, me besnikun e tij më jetë gjatë?

09:11 Bota 7 komente

New York Times artikull për Fatos Nanon: Ish-kryeministri shqiptar, udhëheqës në epokën e kaosit dhe tranzicionit

08:53 Bota

Ministri i Jashtëm gjerman: OKB-ja t’i përshtatet shekullit XXI

07:50 Bota 2 komente

Udhëheqësi i pakicës demokrate: Të shmangim mbylljen e qeverisë në SHBA

07:40 Bota 1 koment

Ja cila është arsyeja që Teherani mund të humbë statusin si kryeqytet i Iranit

07:30 Bota 3 komente

Kina nis në shërbim superanijen, rivalizon SHBA-të në det

22:00 Bota 4 komente

Fluturimet në kaos, punonjësit publikë në radhë në mensa. Ç’po ndodh në SHBA pas 37-ditëve shutdown

21:40 Bota 3 komente