Te fundit
Marco Rubio nga Mynihu: Trump është i gatshëm të takohet me Khamenein, por…
15 Shkurt 2026, 07:30Bota
TEMA
Presidenti i SHBA-së, Donald Trump, është i gatshëm të takohet me udhëheqësin suprem të Iranit, Ali Khamenei, për të zgjidhur mosmarrëveshjet midis dy vendeve, tha Sekretari i Shtetit i SHBA-së, Marco Rubio, në një intervistë me ‘Bloomberg’, nga Konferenca e Sigurisë në Mynih, ku ndodhet.
“Jam mjaft i sigurt se nëse Khamenei do të thoshte nesër se donte të takohej me Trumpin, Presidenti do të takohej me të, jo sepse është dakord me të, por sepse beson se kështu zgjidhen problemet dhe nuk e sheh takimin me dikë si një lëshim”, tha Rubio.
Kryediplomati ka thënë më parë se Trump është i gatshëm të takohet me çdo udhëheqës botëror për të zgjidhur mosmarrëveshjet.
Kur u pyet nëse durimi i Uashingtonit me programin bërthamor të Teheranit ka sosur, ai u përgjigj:
“E para është se mendoj se është mjaft e qartë se Iranit nuk do t’i lejohet kurrë të pajiset me armë bërthamore, pasi kjo përbën një kërcënim jo vetëm për Shtetet e Bashkuara, Evropën, sigurinë globale dhe rajonin. Nuk ka dyshim për këtë.”
“E dyta është se ne duam të kemi forca në rajon sepse Irani ka treguar gatishmërinë dhe aftësinë për të sulmuar dhe goditur objektivat amerikane në rajon. Ne kemi baza për shkak të aleancave tona në rajon, dhe Irani ka treguar në të kaluarën se është i gatshëm të na sulmojë dhe/ose të kërcënojë bazat tona. Pra, ne duhet të kemi fuqi të mjaftueshme zjarri në rajon për t’u siguruar që ata të mos bëjnë një gabim dhe të shkaktojnë diçka më të madhe”, vuri në dukje ai.
Megjithatë, ai përsëriti se Trump kërkon ta zgjidhë mosmarrëveshjen përmes një marrëveshjeje.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ky debil me origjine Kubane mendon se te tjeret jan analfabeta dhe nuk din te mbrohen por kan nevoj per ndihmen e SHBA,s ,por ky nuk e thot me qartesi se Irani nuk e ka fuqin ta sulmoj dhe deri me sot nuk ka sulmuar askend sic e ben Amerika hodhi bomben atomike ne Hiroshima dhe Nagasaki,sulmoj Vjetnamin,Afganistanin,Irakun,Syrine,ETJ por gjith kete nuk e bejn per vete por per ti ndihmuar Izraelit te vrasi gra dhe femij te pafjshem pse nuk e mer ne goj armet berthamore te Izraelit por edhe bota injorante hesht .
American idiot ! Njehere shani e thurrni komplote kunder Europes, tani i zgjasni doren ! Kujtoni se keni te beni me arabe qe i silni verdalle si te doni