Te fundit
"Më gjetën, nuk mendoj se do të dal gjallë nga këtu", orët e fundit tragjike të një infermiereje 22-vjeçare në Izrael
12 Tetor 2023, 12:00Bota
TEMA
Dramatike janë historitë njerëzore që vijnë nga Izraeli pas sulmit nga Hamasi që ka shkaktuar vdekjen e të paktën 1200 izraelitëve.
Një e tillë është ajo e infermieres 22-vjeçare Amit Mann, e cila kaloi orët e fundit të jetës së saj para se të vritej nga persona të armatosur të Hamasit duke ndihmuar të plagosurit nga zjarri i terroristëve.
Në të njëjtën kohë, Amit komunikoi me motrat e saj përmes aplikacionit WhatsApp, duke u kërkuar vazhdimisht atyre përditësime mbi lëvizjet e anëtarëve të Hamasit dhe duke kërkuar dëshpërimisht ndihmë.
“A ka personel tjetër mjekësor me të plagosurit? e pyeti një motra e saj dhe Amit u përgjigj: “Këtu është një infermiere dhe një mjek. Ne po bëjmë gjithçka që mundemi”. Ajo tha se kishte shumë të lënduar të cilët ishin të gjakosur, por nuk kishte asnjë mënyrë për të evakuuar klinikën.
Në një mesazh tjetër, motra e saj po përpiqej t’i jepte kurajo dhe i kërkoi të mos humbiste shpresën dhe të priste që të vinte ushtria për të çliruar klinikën.
“Është një luftë dhe ne do të fitojmë. Jemi më të fortë”, i tha ajo. “Fokusohu në kujdesin për veten. Do të kalojë së shpejti,” me Amit duke u përgjigjur “Të dua. Faleminderit”.
Amit i tha motrës tjetër se ajo ishte fshehur në kuzhinën e klinikës dhe ishte e armatosur me thikë. “Është këtu. Ai ndodhet brenda në klinikë. Nuk mendoj se do të mund të dal gjallë nga këtu ”, i shkrujti ajo.
Në momentet e fundit, 22-vjeçarja ka arritur të telefonojë familjen e saj duke qarë nga zhurma e armëve: “Më gjetën. Më qëlluan në këmbë”.
Familja e Amit kaloi dy ditët e ardhshme duke u përpjekur për ta gjetur atë në mes të kaosit të luftës derisa, të hënën, trupi i saj u gjet së bashku me të paktën 107 të tjerë në klinikën e shkatërruar.
Masakra e së shtunës në Kibbutz Beeri vrau 10 për qind të popullsisë së komunitetit, me raporte nga Izraeli se familje të tëra u ekzekutuan brenda shtëpive të tyre.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Poshte islami , larg kesaj ideologjie vrastare e kriminale .
Kafsherore.....barbare....po te kishin bythe te sulmonin ushtrine israeliane dhe askush nuk do ti kritikonte. Trima me femije, gra e pleq , tre rinj ne feste...RIP
Nuk e ka fajin islami, por ata qe islamizojne politikisht, idete , kauzat dhe shoqerite.