Te fundit
Nga planifikimi e deri tek ekzekutimi, kreu i Hamas rrëfen operacionin: Si depërtuam në Izrael
10 Tetor 2023, 17:01Bota
TEMA
Mes analizave të shumta që po bëhen në Izrael mbi mënyrën se si militantët kryen një sulm në shkallë kaq të madhe, një lider i Hamasit ka dhënë detaje mbi planin, që nga planifikimi e deri tek ekzekutimi.
Ali Barakeh, një eksponent i lëvizjes me bazë në Bejrut, foli për “Associated Press”. Ai tha se vetëm pak liderë të lëvizjes ishin në dijeni dhe se Irani dhe Hezbollahu nuk morën pjesë në planifikimin e agresionit.
“Operacioni nuk dihej nga askush, përveçse një grusht njerëzish. Ne zgjodhën kohën kur armiku ishte i zënë me pushimet e tij. Askush nga komanda qendrore e Hamasit nuk ndodhej në Bejrut të hënën e kaluar. Asnjë. As nga komanda, as nga byroja politike”, tha Ali Barakeh, lider i Hamasit në Bejrut.
Zyrtari i Hamasit tha gjithashtu se grupi do të përdorë pengjet izraelite për të siguruar lirimin e palestinezëve të burgosur në Izrael dhe SHBA.
“Ata u arrestuan në Amerikë vetëm sepse akuzoheshin për drejtim të një organizate bamirësie që mbështet banorët dhe jetimët në Gaza.
Amerika i mori dhe i dënoi këta njerëz sepse iu kërkua nga Izraeli. Ata janë dënuar me burgim të përjetshëm. Ne do të kërkojmë lirinë e këtyre palestinezëve pasi është e drejta jonë”, vijoi ai.
Me Izraelin që po bëhet gati për një ofensivë tokësore në Gaza, Barakeh tha se aleatët e Hamasit do t’i bashkohen luftimeve nëse Gaza përballet me një asgjësim të mundshëm. Ai shtoi se Hamas ka marrë ndihmë nga Irani dhe Hezbollahu në të kaluarën.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk do keni me nevoje te merrni ndihma dhe Irani do clirohet nga kjo barre. Ora po afron
Kauza e drejte e popullit palestinez ,po keqpërdoret nga KRIMINELET IDIOTË të hamasit dhe qelbanikëve që i fryjnë ketij zjarri .Hamasi eshte armatosur nga Rusia Irani e Serbia.Keta hedhin gurin e fshehin dorën.Ata qe do ta paguajne më shtrenjtë do të jenë palestinezët e thjeshte ,dhe ky perfundim,Hamasit as që i interesokërka fare,perderisa shkon e zgjon ,praktikisht i dhurojnë Izraelit një levizje që do të jetë fatale per palestinezët.Kjo nuk i duhej popullit palestinez,Kjo idiotësi eshte e sponsorizuar dhe e NXITUR nga te tjeret .Mjere populli palestinez per perfaqesuesit qe ka.