Te fundit
OKB: Gati 70% e të vdekurve nga lufta në Gazë janë gra dhe fëmijë
8 Nëntor 2024, 11:25Bota
TEMA
Zyra e Kombeve të Bashkuara për të Drejtat e Njeriut ka thënë të premten se gati 70 për qind e viktimave që i ka verifikuar në luftën e Gazës, janë gra dhe fëmijë, duke thënë se e dënon shkeljen sistematike të parimeve themelore të ligjit humanitar ndërkombëtar.
Gjetjet e OKB-së mbulojnë shtatë muajt e parë të luftës mes Izraelit dhe Hamasit – grupit të shpallur terrorist nga SHBA dhe BE – në Rripin e Gazës, e cila nisi para më shumë se një viti.
Zyra e OKB-së i verifikoi 8.119 viktima gjatë shtatë muajve të parë të luftës. Por, kjo shifër është jashtëzakonisht e ulët krahasuar me numrin e përgjithshëm të të vrarëve, mbi 43.000, gjatë 13 muajve luftë, sipas Ministrisë palestineze të Shëndetësisë.
Megjithatë, verifikimi i moshës dhe gjinisë së viktimave nga OKB-ja mbështet pohimet e palestinezëve se shumica e të vrarëve në luftë janë gra dhe fëmijë.
Këto gjetje tregojnë “për një shkelje sistematike të parimeve themelore të ligjit humanitar ndërkombëtar”, tha zyra e OKB-së në një komunikatë.
Izraeli nuk i ka komentuar ende gjetjet e raportit 32-faqesh të OKB-së.
Ushtria izraelite – e cila e nisi luftën në Gazë si përgjigje ndaj sulmit të 7 tetorit 2023, pasi luftëtarët e Hamasit i vranë rreth 1.200 njerëz në jug të Izraelit dhe i rrëmbyen më shume se 250 të tjerë – thotë se kujdeset që të mos i dëmtojë civilët në Gazë.
Për vrasjen e civilëve ajo e fajëson Hamasin, duke e akuzuar atë se i përdor ata si mburojë njerëzore.
Hamasi i ka mohuar akuzat se i përdor civilët dhe infrastrukturën civile, përfshirë spitalet, si mburoja njerëzore.
Viktima më e re vdekja e të cilit u verifikua nga vëzhguesit e OKB-së ishte një djalë njëditësh, ndërsa më e vjetra ishte një grua 97-vjeçare, thuhet në raport.
Në total, 44 për qind e viktimave ishin fëmijë.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shpalleni krim kunder njerezimit.Kjo eshte me elementari e qe mund te behet.
Pse sepse e thote Hamasi apo Gutierrez? Ka nje percaktim juridik preciz se cfare quhet « krim kunder njerezimit ». Nese do ishin te verteta ato qe thote hamasi, atehere do kishim te benim me « krime lufte », por Hamasi genjen. Kur nje spital apo shkolle behet baze apo pozicion i ushtrise armike, atehere ky objekt kthehet ne shenjester legjitime dhe nuk kemi te bejme me krime lufte. Civilet e vrare sado mizore qe mund te duket, ne kete rast quhen deme anesore. Kjo eshte lufta, te pafajshem vriten, civile vdesin nga bombat, uria dhe semundjet. Nuk duhet harruar qe Hamasi mban akoma dhe sot mbi 100 civile izraelite peng. Nese pengjet do ishin liruar Izraeli do ishte terhequr me kohe.