Pahlavi vijon thirrjet ndaj botës për të ndihmuar protestuesit në Iran

Reza Pahlavi, djali i Shahut të fundit të Iranit dhe figurë kryesore e opozitës iraniane në mërgim, i ka bërë thirrje komunitetit ndërkombëtar të ndërhyjë për të ndihmuar protestuesit në Iran të rrëzojnë qeverinë aktuale, duke deklaruar se “Republika Islamike do të bjerë – jo nëse, por kur”.

Në një konferencë për shtyp të mbajtur në Washington, Pahlavi u kërkoi fuqive ndërkombëtare të godasin udhëheqjen e Gardës Revolucionare Iraniane, duke argumentuar se një veprim i tillë do të “lehtësonte përpjekjet e opozitës dhe do të parandalonte humbjen e mëtejshme të jetëve”.

Sipas një organizate për të drejtat e njeriut, më shumë se 2 mijë e 500 protestues janë vrarë që nga shpërthimi i protestave më 28 dhjetor, fillimisht për shkak të krizës ekonomike, por që më pas u shndërruan në thirrje të hapura për përfundimin e sundimit të Udhëheqësit Suprem, Ajatollah Ali Khamenei.

Autoritetet iraniane i kanë cilësuar protestat si “trazira” të nxitura nga armiqtë e jashtëm të vendit.

Pahlavi, i cili prej vitesh jeton në Shtetet e Bashkuara, është shfaqur si një nga figurat më të zëshme të një opozite iraniane të fragmentuar.

Ai ka deklaruar se ka informacione sipas të cilave pjesë të aparatit të sigurisë iraniane kanë refuzuar të marrin pjesë në represion, ndërsa regjimi ka sjellë luftëtarë nga milici të huaja për të shtypur protestat.

Ai u bëri thirrje fuqive botërore për një sërë masash, përfshirë:

rritjen e presionit ekonomik ndaj Iranit,
dëbimin e diplomatëve iranianë,
lirimin e të gjithë të burgosurve politikë,
dhe sigurimin e aksesit në internet përmes mjeteve si Starlink, për të thyer bllokadën e komunikimeve në vend.
“Populli iranian po vepron me vendosmëri në terren. Tani është koha që komuniteti ndërkombëtar t’u bashkohet plotësisht,” deklaroi Pahlavi. “Me ose pa ndihmën e botës, regjimi do të bjerë. Por do të bjerë më shpejt dhe me më pak viktima nëse fjalët kthehen në veprime”.

Ai shmangu komentet mbi raportimet për takime të fshehta me zyrtarë të lartë amerikanë, por shprehu besimin se Donald Trump do të qëndrojë në krah të protestuesve iranianë.

Trump ka paralajmëruar më herët autoritetet iraniane kundër ekzekutimit të protestuesve dhe ka deklaruar se SHBA do të ndërmarrë “veprime shumë të forta” nëse kjo ndodh, pa përjashtuar mundësinë e ndërhyrjes ushtarake.

Nga ana tjetër, kryetari i Parlamentit iranian ka paralajmëruar se çdo sulm amerikan do të sillte si objektiva legjitime Izraelin dhe bazat ushtarake amerikane në rajon.

Ndërkohë, SHBA-të dhe Mbretëria e Bashkuar kanë reduktuar praninë e personelit në bazën ajrore Al-Udeid në Katar, duke e cilësuar këtë si një masë paraprake sigurie.

Komisioni Evropian i kërkon industrisë së rëndë të favorizojë prodhimet ‘Made in Europe’

20:45 Bota

Chaoyang i Pekinit synon të bëhet vendi kryesor për turistët globalë

20:41 Bota

"Me detin Jon e kemi mbyllur"- Greqia do të zgjerojë ujërat territorialë në Mesdhe

20:30 Bota 2 komente

“Jam mbret i tarifave”, Trump vijon “kërcënimet”: Mund t’i vendos edhe për vendet që s’bien dakord që të marri

20:10 Bota 3 komente

Mësohet identiteti i shqiptarit që akuzohej për komplotin për vrasjen e Maduros, Ambasada shqiptare në Brazil: Jemi në kontakt me familjarët

17:15 Bota 2 komente

Dy zonja konservatore në majë të politikës globale! Meloni dhe Takaichi formojnë miqësi të re në Tokio

16:51 Bota

Franca paralajmëron SHBA-të: Çdo tentativë për marrjen e Groenlandës rrezikon marrëdhëniet tregtare me BE-në

16:14 Bota 3 komente

U akuzuan për komplot në vrasjen e Maduros, lirohen disa të burgosur. Mes tyre edhe shqiptarë

15:24 Bota 1 koment

“Islanda, vendi i 52-të i SHBA-ve”, shakaja e ambasadorit amerikan shkakton zemërim

15:03 Bota 9 komente

Pas përplasjeve me SHBA, Kanadaja bën pakt me Kinën. Carney takon Xi Jinping në Pekin: Jemi në një mendje edhe për Groenlandën

12:50 Bota 1 koment