Presidenti iranian: Holokausti? Ka shenja se ka ndodhur

Presidenti i Iranit, Ebrahim Raisi, ka dhënë së fundmi të parën intervistë për një media të Perëndimit, CBS News. Intervistuesja, Lesley Stahl, ka raportuar në formën e një reportazhi dhe interviste takimin me kreun politik iranian, cilësuar nga Perëndimi si konservator dhe subjekt i sanksioneve të ShBA. 

I pyetur për marrëveshjen bërthamore të hedhur poshtë nga Trump, Raisi tha se ajo ishte një marrëveshje e mirë që u braktis në mënyrë të njëanshme nga amerikanët: 

"Duhen garanci, nëse ka garanci, atëherë amerikanët nuk mund të tërhiqeshin".

I pyetur për akuzat se Irani po ndërton një bombë bërthamore, Raisi ka deklaruar shkurt: 

"I jemi përgjigjur këtyre pretendimeve. Nuk kanë bazë. Republika Islamike e Iranit ka thënë shumë herë se posedimi i armëve bërthamore nuk ka vend në doktrinën tonë".

I pyetur nëse do të ketë një takim mes tij dhe presidentit amerikan Joe Biden në New York, Raisi tha prerë:

"Jo, nuk besoj se do kishte përfitim nga diçka e tillë". 

Ai i ka cilësuar sanksionet si tiranike kundër popullit të Iranit dhe se heqja e tyre është e rëndësishme për vendin e tij. 

Lidhur me një temë të ndjeshme në disa segmente të shoqërisë perëndimore, Holokaustin ndaj hebrejve në Luftën e Dytë Botërore, Raisi u tregua edhe më pak diplomatik brenda taktit të vet formal: 

"Shiko…Ngjarjet historike duhen hulumtuar nga kërkuesit dhe historianët. Ka disa shenja se Holokausti ka ndodhur. Nëse është kështu, ata duhet të lejojnë që hulumtohet dhe kërkohet".

Sa i përket vrasjes së Qassem Soleimanit, Presidenti iranian tha se Irani kërkon drejtësi, pa sqaruar se çfarë nënkuptohet me këtë: 

"Ne nuk do ta harrojmë këtë. Duam drejtësi. Nuk do të bëjmë llojin e veprimeve që amerikanët dhe sionistët bëjnë në botë". 

Salvinit sot i pëlqejnë shqiptarët (nëse e votojnë): Do ju çoj në Evropë – kur dikur do dilte nga BE-ja prej shqiptarëve

22:00 Bota 7 komente

Një tjetër zyrtar rus vdes çuditshëm: kush ishte Anatoly Nikolayevich Gerashchenko?

21:50 Bota

Brukseli pret me ankth rezultatin e zgjedhjeve në Itali

21:40 Bota

Çfarë i bindi rusët të ngrihen më në fund kundër Putinit?

21:00 Bota 1 koment

BE-ja premton mbështetje ushtarake për Ukrainën, shqyrton sanksione të reja ndaj Rusisë

20:20 Bota

Rusët dynden në Serbi, deri në 9 mijë euro bileta nga Moska për në Beograd

20:09 Bota

Lira turke zhvlerësohet në nivel rekord

20:00 Bota

Lavrov akuzon Ukrainën dhe Perëndimin, më pas braktis takimin e Këshillit të Sigurimit të OKB-së

19:50 Bota

Denoncimi: Projekti amerikan për ta futur Turqinë në konflikt

18:29 Bota 13 komente

VIDEO: Rusët të detyruar të shkojnë në luftë, të përlotur u japin lamtumirën familjarëve

17:25 Bota 5 komente