Shtetet e Bashkuara, Ukraina dhe partnerët evropianë po diskutojnë një plan të ri 20-pikësh për paqen, i ndarë në tre dokumente kryesore: kornizën e marrëveshjes së paqes, garancitë afatgjata të sigurisë dhe një program të gjerë rindërtimi ekonomik pas luftës.

Kështu shkruan gazeta amerikane Washington Post.

Drafti parashikon krijimin e një zone të demilitarizuar përgjatë gjithë vijës së armëpushimit, nga Donetsku deri në Kherson, ndërsa pas saj do të vendoset një zonë tampon edhe më e thellë ku do të ndalohen armët e rënda.

Negociatat përfshijnë edhe çështje të kufijve dhe territoreve të kontestuara, me një opsion të ngjashëm me modelin korean: një vijë fikse ndarjeje dhe shtyrje të statusit politik të zonave të diskutueshme.

Centrali bërthamor i Zaporizhzhia-s nuk do të mbetet nën kontrollin rus. Sipas Washington Post, SHBA mund të marrë drejtimin e tij për të garantuar sigurinë.

Ndërkohë, anëtarësimi i Ukrainës në Bashkimin Evropian synohet për vitin 2027, me Washington-in që po ushtron presion mbi Hungarinë për të hequr veton. Anëtarësimi pritet të sjellë investime dhe të forcojë kontrollin ndaj korrupsionit.

Në fushën e sigurisë, SHBA propozon garanci të ngjashme me nenin 5 të NATO-s, të cilat Ukraina kërkon të ratifikohen zyrtarisht nga Kongresi amerikan, duke shmangur çdo rol pengues nga Rusia në marrëveshjet e ardhshme.

Debate po zhvillohen edhe për madhësinë e ushtrisë ukrainase. Disa propozime parashikojnë rritjen e kufirit nga 600 mijë në 800 mijë trupa, por Kievi kundërshton çdo kufizim formal.

Administrata e Donald Trump, sipas burimit, po shqyrton përdorimin e 100 miliardë dollarëve nga asetet e ngrira ruse për rindërtimin e Ukrainës, një shumë që mund të rritet ndjeshëm.

SHBA po zhvillon bisedime me BlackRock dhe Bankën Botërore për krijimin e një Fondi të Zhvillimit të Ukrainës që mund të tërheqë deri në 400 miliardë dollarë investime.

Thuhet gjithashtu se Trump synon programe të ngjashme investimi edhe për Rusinë.

3 Komente

a
anti25642654censurë

10 Dhjetor 2025, 12:47

pordhë syfyri!!e para duhet të dalë i pastër dhe jo kështu"ai tha dhe unë më duket se i thashë"!!ndërkohë putanëria po çan përpara me shpatë në bythë!!

Përgjigjjuni
T
Trump gjithnje fiton, edhe kur Usa humbet

10 Dhjetor 2025, 13:39

Ky draft plan i ri duket i arsyeshem, por Rusia dhe Trump nuk do ta pranojne. Ky plan mund te miratohet vetem vetem nese Trump terhiqet plotesish nga Ukraina dhe vendin e tij e ze Kina. Dhe Trump do te terhiqet sepse ashtu kerkon MAGA qe e solli ate ne pushtet. Nje dite mbase edhe Kina afrohet shume me nje 'Nato' Evropiane.

Përgjigjjuni
1. a
  anti25642654censurë
  
  10 Dhjetor 2025, 15:41
  
  fillimi i drejtë por më pas ja bën kakën!!"Trump gjithnje fiton, edhe kur Usa humbet"
  
  Përgjigjjuni