Te fundit
SHBA i jep lejen? Ukraina do të sulmojë Rusinë me raketat me rreze të gjatë
11 Shtator 2024, 12:01Bota
TEMA
Shtetet e Bashkuara mund t’i japin shpejt lejen Ukrainës, për përdorimin e raketave me rreze të gjatë kundër Rusisë. Është vetë presidenti Biden që e sugjeroi diçka të tillë, teksa Kievi përballet me valë të shtuar sulmesh nga Rusia fqinje.
Kur u pyet nga gazetarët nëse Uashingtoni do të hiqte kufizimet ndaj përdorimit të raketave me rreze të gjatë për Ukrainën, Biden tha: “Po punojmë për këtë zgjidhje”.
Drita jeshile, nëse do të vijë, do të përmbushte kërkesat e përsëritura të Ukrainës që ankohet se kufizimi mbi përdorimin e këtyre armëve i ka lënë ata me duart e lidhura.
Gjatë muajve të fundit, presidenti Zelensky ka kritikuar ritmin e dërgesave me armatime dhe ka kërkuar autorizimin për të goditur pozicione më në thellësi të territorit rus me armatimet e siguruara nga perëndimit.
Deri më tani, SHBA i ka rezistuar një lëvizjeje të tillë mes shqetësimeve për përshkallëzim me Moskën.
Presidenti rus Vladimir Putin ka paralajmëruar se një hap i tillë do të çonte në pasoja shumë serioze. Deklarata e Biden vjen pasi Shtetet e Bashkuara akuzuan Iranin se po furnizonte Rusinë me raketa balistike me rreze të shkurtër.
“Shtetet e Bashkuara kanë konfirmuar raportet se Irani po dërgon raketa balistike me rreze të shkurtër, Fath-360 në rusi, të cilat ne vlerësojmë se mund ti përdorë brenda pak javës kundër Ukrainës duke çuar në më shumë vdekje”, tha gjenerali Patrick Ryder.
Një akuzë e tillë u përsërit edhe nga sekretari amerikan i Shtetit Antony Blinken gjatë vizitën në Britaninë e Madhe.
Blinken dhe homologu britanik, sekretari për Punët e Jashtme David Lammy, po zhvillojnë një vizitë në Kiev, ku siç thonë duan të dëgjojnë nga lidershipi atje, objektivët në luftë, dhe mënyrën se si mund të ndihmojnë në përmbushjen e tyre.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
përsa kohë baiden të ketë këshilltar xhek salivan!?vështirë se do të ndodhë!!nuk e di çlidhje ka xheku me atë salivanin që shkruajti para pak ditësh dhe që ka qënë ambasador në moskë,por ai është një brekmbushur,një frikacak që se ka shokun!!