Te fundit
The Telegraph: Trump do t’i ofrojë Putinit mineralet e rralla të Alaskës në këmbim të paqes në Ukrainë
14 Gusht 2025, 09:50Bota
TEMA
Presidenti amerikan Donald Trump, po përgatitet t’i ofrojë Presidentit rus Vladimir Putin qasje në burimet e mineraleve të rralla, në këmbim të paqes në Ukrainë.
Sipas “The Telegraph”, Trump do të mbërrijë në takimin e shumëpritur me Putinin të premten që do të mbahet në Alaskë, me disa propozime që synojnë ta tërheqin Rusinë drejt një marrëveshjeje paqeje duke i dhënë fund luftës në Ukrainë.
Në këto propozime përfshihet edhe aksesi ndaj Moskës në burimet natyrore të Alaskës dhe lehtësimi i disa sanksioneve amerikane ndaj industrisë ajrore ruse.
Një pjesë kyçe e paketës është gjithashtu edhe ofrimi i qasjes për Kremlinin në mineralet e rralla që ndodhen në territoret ukrainase të pushtuara aktualisht nga Rusia.
Në një konferencë për shtyp të mbajtur të mërkurën, Trump paralajmëroi se Putin do të përballet me “pasoja të rënda” nëse nuk bie dakord për t’i dhënë fund konfliktit në Ukrainë gjatë takimit të tyre në Alaskë.
Ai gjithashtu zbuloi synimin për një takim të dytë të menjëhershëm, kësaj here me pjesëmarrjen e presidentit ukrainas, Volodymyr Zelensky.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ec e provo të kuptosh ndonjë gjë. Do të ngrejë ekonominë amerikane, dhe sillet si një diktator afrikan. I jep Putës shfrytëzimin e territorit amerikan. Bën marveshje me Ukrainën për metale të rralla, dhe ja jep, po Putës. Ky ka shkuar për lesh.
O Gani bolja,po tall bythen The Telegraf me ty dhe te tjere si puna jote siç e talli CNN per pese vjet qe thonte qe kishte prova qe Trumpi ishte agjent rus.Nuk duron dot deri neser ti o kelluf.