“Punë e madhe që vdiq Enver Hoxha, po të kish vdekur më përpara, do të ish gjallë Mehmet Shehu, i cili do të…”/ Dokumentet e Sigurimit për “komentet e elementit armik” në rrethin e Vlorës, 11 prill ‘85

11 prilli i vitit 1985 është fiksuar nga propaganda e kohës vetëm nëpërmjet filmimeve zyrtare. Pjesa më e padukshme ngelet reagime i antikomunistëve apo të pakënaqurve, të cilët gjenden në raportet e Sigurimit të Shtetit. Kam zgjedhur sot disa komente nga rrethi i Vlorës. Në raportet e muajve prill-korrik 1985, të kryetarit të Degës së Punëve të Brendshme Vlorë, Raqi Iftica, për Degën e 8-të të Drejtorisë së Parë të Sigurimit të Shtetit në Ministrinë e Punëve të Brendshme, në lidhje me parullat e hedhura në tremujorin e parë dhe të dytë të vitit, në lidhje me vdekjen e Enver Hoxhës, ndër të tjera thuhet:

“Elementi armik dhe ai me qëndrim antisocialist me aktivitet armiqësor, të zhvilluar gjatë këtij 3-mujori në formën e agjitacionit e propagandës, kanë synuar të godasin Ramiz Alinë, unitetin në radhët e saj, të errësojnë veprën e shokut Enver Hoxha dhe zë shprehen për ndryshim situate në vendin tonë.

Disa nga parullat me rastin e vdekjes së Enver Hoxhës:

– “U bë mbledhja e popullit për vdekjen e shokut Enver Hoxha dhe disa u ra të fikët. Ndërsa mua nuk më erdhi keq fare sepse ai na mori shpirtin dhe bagëtinë”.

– “Duhen lyer sytë pak me piper që të më dalin pak lot se më vdekshin vajzat, nuk më vijnë lotët. Po shyqyr që ka perëndi që vdiq ai. Ishalla do të shpëtojmë ne të tjerët. Ata që shpikën këtë sistem e ndryshuan, ndërsa ky desh ta mbante deri në fund…! Vëllai, atë ditë që vdiq Enver Hoxha, më tha të kthehesha në shtëpi se këta janë bërë si bishat e mos më rrëmbente kjo valë”.

– “E dija me kohë se ai do të vdiste, por me vdekjen e Enver Hoxhës ne shpëtuam, se na kish marrë frymën”.

– “Enver Hoxha mohoi shokët që punoi e luftoi tërë jetën. Ramiz Alia kur foli, nuk e përmendi fare luftën e klasave…”.

– “Ramiz Alia nuk e mban më tepër se 2-3 vjet. Po të jetë i zgjuar do ta ndryshojë kursin, ndryshe do kapitullojë”.

– “Lëre mos ua vër veshin zhurmës së madhe dhe stërbetimeve, se edhe atëherë në Rusi për Stalinin, kështu bënë, pastaj ia kënduan këngën. Prandaj avash-avash, se ky që u vu tani (Ramiz Alia), andej nga malësia është dhe sytë nga Serbia do t’i ketë”.

– “Iku dhe i fundit, vdiq Enver Hoxha. Tani nuk ka kush ta mbajë. Do të fillojnë këta do të hanë kokën e njëri-tjetrit…”.

“Jam shumë i gëzuar që vdiq Enver Hoxha. E prisja këtë vdekje prej 15 vjetësh, se ai ishte vrasës…! Tani qeverinë nuk dihet kush do ta marrë në dorë. Në qeveri do të vriten me njëri-tjetrin për pushtet e, do fillojë përçarja. Kështu njerëzit do të jenë të lirë për të shkuar ku të duan”.

– “Situata në vendin tonë pas vdekjes së Enver Hoxhës do të ndryshojë, se tani vetëm 3 muaj kanë kaluar. Hrushovi pas 3 vjetësh e ka ndryshuar. Hrushovi u betua, por ja që më vonë e ktheu situatën. Kjo do të ndodhë edhe te ne, sepse historikisht nuk është parë ndonjëherë, që të qëndrojë një sistem kaq gjatë.

Edhe ky që u zgjodh tani sekretar i parë, pa vazhdoi si ai i pari, nuk ka gjë në terezi. Ramiz Alia nuk mund të bëjë kthesë të menjëhershme, do kalojë të paktën një vit. Tani ai përpiqet të konsolidojë pozitën e tij, të krijojë dhe ai mbështetjen në popull e kudo. Enver Hoxha ishte shumë dinak, e qëroi Mehmet Shehun brenda natës”.

“Nuk kemi ekonomi. Populli po vdes për të ngrënë. Si ujët këtu në Shqipëri, ne çamët kishim vajin e ullirit…! Shumë njerëz janë kënaqur për vdekjen e Enver Hoxhës, sepse njerëzit kanë pasur nga 300-400 kokë bagëti, ndërsa sot presin ditën e mishit sikur çfarë të jetë. Po vuajmë shumë nga gjendja ekonomike, por nuk del rroga. Këta të gjithë gënjejnë. Më mirë të isha në burg, sa jam i lirë”.

-“Enver hoxha vdiq. Tani më mirë do të jemi, se ai që do të vijë në fuqi, do të hapë dyert e burgjeve dhe ne do të na lirojnë nga internimi. E kam të sigurt që sistemi do të shkatërrohet dhe nuk do ta marrë vesh i pari të dytin…!

Me internimin që bëri qeveria jonë, do të tregonte se sa e fortë ishte, por ja të ishin nja 5 veta të armatosur, e di unë sa të fortë do të ishin këta. Këta flasin për përparimin e vendit, por çfarë përparimi ka këtu, kur ky është vendi më i prapambetur në botë…! Edhe për neve të internuarit dhe të vijë koha jonë”.

– “Edhe Ramiz Alia, po vazhdoi si ai që vdiq, nuk ka gjë në terezi. Po pse nuk lidhet me Amerikën, se ajo ka bollëk…?! Unë kam parë në televizor që jashtë shtetit jetojnë mirë, ndërsa këta na japin të kundërtën…”!

– “Punë e madhe se vdiq Enver Hoxha. Unë tani po bëj sehir se nuk më bëhet vonë. Mot, vitin që vjen, do t’ua shihni tymin këtyre në Kongresin e 9-të të Partisë…do të ketë së shpejti ndryshim të situatës (sistemit) dhe do të lirohen edhe të burgosurit…! Po vuajmë shumë nga ana ekonomike. Rroga nuk del më. Më mirë të isha në burg se i lirë”.

– “Enver Hoxha bënte vetëm pallate dhe dyqanet ngelën bosh dhe nuk kemi çfarë të hamë…! Mirë bëri që vdiq Enver Hoxha. Po të kish vdekur më përpara, do të ish gjallë Mehmet Shehu e, do shpërndante përsëri bagëtitë…! Populli po vdes për të ngrënë…! Ramiz Alia nuk e mban më tepër se 2-3 muaj.

– “E bukur ishte t’i shikoje si u vajti frika në zemër gjithë këtyre e u bënë si lepuj, se tërë forcën e kishin te ai që vdiq”./ Memorie.al

41 vite nga vdekja e diktatorit, çfarë shkruante “The Guardian” më 11 prill 1985: Përfundon epoka ‘Hoxha’ në Shqipëri

22:00 Dossier 5 komente

Dossier/ 20 shërbëtorët e Nexhmije Hoxhës dhe luksi i familjeve të bllokut në shifra miliona dollarë

12:26 Dossier 86 komente

“Postat greke me flamurin në gjysmë shtizë!”- Nga Peshkopia në Sarandë, raportet e Sigurimit ditën që vdiq Enver Hoxha: Në Gjirin e Rodonit e Ksamil janë dy anije sovjetike, në kufirin me Jugosllavinë…

09:10 Dossier 7 komente

“Denigrimi që i bëri atij regjimi komunist vazhdon ende, pasi një shkolle në Korçë që kishte ndërtuar ai, i kanë vënë emrin ‘Sevasti Qirjazi’…”/ Historia e filantropit korçar që financoi “Bagëti e Bujqësi” të Naimit

08:05 Dossier 2 komente

Sot 87 vjet nga Pushtimi i Shqipërisë nga Italia: Përkujtohet në Durrës 7 prilli i vitit 1939

13:00 Dossier 5 komente

“Kur u takuan në Tiranë, për të diskutuar për projekt-statutin e Kishës Katolike Shqiptare, At Marin Sirdani, i tha Tuk Jakovës, se; pa Papën e Vatikanit, nuk ka…”/ Dëshmia e rrallë e At Zef Pllumit

07:44 Dossier 1 koment

“Përpjekja e PKSH-së për të lidhur aleancë me katolikët në Shkodër dështoi, pasi Kleri Katolik kishte refuzuar madje edhe kërkesën e Sejfulla Malëshovës për…”/ Refleksionet e historianit të njohur

07:50 Dossier 15 komente

Profesor Ismet Elezi, 106-vjeçari penalisti me moshën e shtetit, personalitet i Labërisë

17:34 Dossier 6 komente

“Turistja suedeze që erdhi me firmën jugosllave ‘Atllas’, u paralajmërua që në Pikën Kufitare në Hot të hiqte minifundin, por në Hotel ‘Dajti’ e veshi përsëri dhe…”/ Zbulohet raporti Sigurimit i 15 gushtit ‘69

07:40 Dossier 5 komente

Dossier/ Nga monarkia në komunizëm, censura e medias në dy kohë

11:35 Dossier 2 komente