Te fundit
Emigrantët, “lumë” parash në atdhe
27 Mars 2023, 21:10Ekonomia
TEMA
Dërgesat e emigrantëve kanë prekur një rekord absolut historik gjatë vitit të kaluar, prej 833 miliardë eurosh, tregojnë shifrat më të fundit nga Banka e Shqipërisë. Shifra është edhe më e lartë se viti 2008, kur regjistrohej rekordi i mëparshëm. Por, duhet pasur parasysh faktin se, para krizës financiare globale të viteve 2008-2009 niveli i remitancave ishte ndjeshëm më i lartë se periudha pasuese.
Rritja e ndjeshme e remitancave në vendin tonë ka nisur që me pandeminë, por është theksuar edhe më shumë me krizën e çmimeve të vitit të kaluar. Në total, emigrantët kanë dërguar të paktën 73 milionë euro më shumë se viti pararendës, ai 2021. Bëhet fjalë për 9.6% më shumë dërgesa nga emigrantët gjatë vitit 2022, krahasuar me vitin 2021.
Nëse krahasimin e bëjmë me periudhën para dy krizave, pandemisë dhe çmimeve, shohim se emigrantët kanë sjellur në vend të paktën 132 milionë euro më shumë në vit.
Gjithashtu, shifrat tregojnë se tremujori i fundit i vitit të kaluar ka thyer po ashtu një rekord historik, me rreth 241 milionë euro dërgesa. Kjo shifër është edhe më e lartë se tremujori i dytë i vitit 2009, kur emigrantët dërgonin në Atdhe 240 milionë euro. Pikërisht kjo periudhë ka mbajtur deri në fund të vitit të kaluar rekordin historik sa i përket remitancave në vendin tonë. Në tremujorin e 4-tët ët vitit të kaluar, remitancat rezultojnë plot 8.9% më të larta se tremujori i njëjtë i vitit pararendës.
Nga këto shifra duket qartë se emigrantët kanë ndikuar mjaftueshëm për të zbutur krizën e çmimeve për familjet shqiptare, madje duke dërguar edhe më shumë para se gjatë pandemisë, kur shumë ekonomi familjare u prekën rëndë nga shpenzimet për shëndetësinë si pasojë e covid-19.
Për më tepër, ky lum dërgesash të parave nga emigrantët gjatë vitit të kaluar ka ardhur pavarësisht faktit se kriza e çmimeve ka prekur thuajse çdo cep të globit, dhe sidomos vendet ku ka një përqëndrim të lartë të emigrantëve shqiptarë, si vendet e Bashkimit Europian, Britania e Madhe apo Shtetet e Bashkuara të Amerikës. Madje, norma e inflacionit në këto vende gjatë vitit të kaluar ka qenë ndjeshëm më e lartë se shifra që Instituti i Statistikave ka raportuar në vendin tonë.
Instat reaporton se gjatë vitit të kaluar, norma e inflacionit në vendin tonë fiksohet pranë “vetëm” 6.7%, ndërkohë që gjatë së njëjtës periudhë kohore në Bashkimin Europian çmimet janë rritur me plot 9.2%. Por, kjo duket se nuk i ka ndaluar emigrantët shqiptarë të sjellin ndihma monetare për familjet e tyre në vështirësi në Shqipëri, përkundrazi. Tashmë kemi të bëjmë me një rekord të ri historik.(Roel Korkuti)
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Punojnë vëllezërit punojnë!!!!
Janë paratë e krimit dhe drogës o mashtrues të ndërgjegjshëm.
Dikush edhe i ka nga ato por jo shumica derrmuese. Ja heqim femijeve dhe vetes per te ndihmuar familjen dhe vendin prandaj mos na fut te gjitheve ne nje thes.
Absolutisht ka edhe që ndihmojne familjet me sakrifica, por jo ata që mbushin makinat dhe autobuzat dhe kapen ne dogana.
Po shkrusjini mire se 833 miliardë euro janë pak si shumë
Gazetari e ka nje dore ne tastiere e nje dore te koqet ndersa mendjen per pidh
O palle gazetare, 833 miliarde ska Amerika
Amerika flet me triliona....bilionat ja ka lene eEuropes. Vetm gjate pandemise shperndau per popullin 3 trilion. Po ky zavalli ja ka futur si kau peles.
O gazekar,o je i dehur nga rakia o nuk i ke marë ilaçet.833milardë € mos janë pak si shumë? Ndoshta po ngacmon Salën e Ramen!!!!!
Nuk e di nese e dine Shqiptaret ne Shqiperi por Shqiperia perseri mbahet nga parate e emigranteve dhe borxhet qe merr Qeveria e qelbur per te mbushur xhepat e te korruptuarve dhe oligarkeve qe marrin tendera. Asgje tjeter nuk kane bere qeverite Shqiptare gjate ketyre 30 viteve.