Pse rritja e pagave ndikon pak në ekonomitë familjare

Prej vitesh struktura e shpenzimeve të familjeve shqiptare nuk ndryshon, ku 40 % e tyre shkojnë vetëm për ushqim. Duke shtuar dhe pagesat ujë, drita, transport, qira, rezulton se më shumë se gjysma e shpenzimeve shkon për shërbimet bazike. Në një ekonomi që rritet çdo vit, me paga që rriten, në çfarë stadi janë familjet shqiptare në mbijetesë apo në shpenzime të kujdesshme?

Ergis Sefa, ekspert ekonomie i ftuar në E-ZONE, thotë se rritja e pagave si dhe rritja ekonomike, nuk janë në nivelin që të ndryshojnë standardin e jetesës.

“Të dhënat e Bankës Botërore flasin se 40 % e familjeve shqiptare jetojnë në varfëri me 5.5 dollarë dita.  20-30 % janë pranë këtij kufiri. Janë pikërisht këto familje të cilat janë në stadin e shpenzimeve të kujdesshme, pasi nëse mbeten pa punë në një afat kohor 2-3 muaj, ato përfshihen direkt në kategorinë e familjeve të varfra. Fatkeqësisht rritja e pagave dhe rritja ekonomike nuk kanë mundur që të jenë një rritje reale, pasi çmimet janë rritur më shumë. Ndërkohë pjesa tjetër e familjeve të mbetura janë ato që kanë të ardhura mbi mesataren për të bërë një jetesë dinjitoze. Por ajo çfarë dominon është që familjet shqiptare mbeten në kufijtë e mbijetesës”, tha Sefa në Vizion Plus.

Të dhënat e INSTAT flasin se një familje me katër persona i duhet 93 mijë lekë në muaj për të jetuar, kjo shifër është 1.5 % më e lartë se vitit 2023.

Por teksa raporti i shpenzimeve, për ushqime, ujë drita, transport nuk ndryshon, vërehet një rritje e lehtë e shpenzimeve për mirëmbajtje banese.

“Ky tregues lidhet më shumë me tregun e qirave. Turizmi ka nxitur shumë familje që të japin banesat me qira në të gjithë vendin. Ky fakt ka bërë që banesat të kenë nevojë për mobilim. Është kjo arsyeja kryesore që ky zë ka shënuar rritje në shpenzimet mujore të familjeve”, sqaroi Sefa./vizionplus.tv 

Shqiptarët, 1 milion transaksione me home banking - BSH: Rekord i ri, po kryhen më shumë veprime bankare në mënyrë digjitale

21:00 Ekonomia

Investimet në Berat, 33 euro për banor - Bashkia rrit të ardhurat, potencial nga turizmi

20:50 Ekonomia

Sa e qëndrueshme financiarisht është Bashkia Vlorë?

22:25 Ekonomia

Ari thyen rekorde, çmimi tejkalon 4 mijë dollarë

17:20 Ekonomia

OTP Bank Albania drejt fuqizimit të lidershipit në sigurinë kibernetike, me Certifikimin ISO 27001

09:25 Ekonomia

Rama: Tirana do të mirëpresë Forumin e Investimeve EU–WB6

08:09 Ekonomia 1 koment

Fermerët kërkojnë më shumë makineri, 38% e aplikimeve të Skemës Kombëtare për mekanizim

07:31 Ekonomia

Familjet e Gjirokastrës dhe Kukësit me rritjen më të madhe të shpenzimeve mujore 

19:35 Ekonomia 1 koment

Një krizë e re në sfond: Pse të gjithë po blejnë ar?

10:47 Ekonomia

Shqipëria me shitjet më të larta të makinave në vendet e Europës dhe Azisë Qendrore

07:42 Ekonomia 2 komente