Te fundit
Rama: Bankat të hapin dyert e teknologjisë, duam të shikojmë rënie reale të cash-it në qarkullim
1 Shkurt 2024, 11:24Ekonomia
TEMA
Kryeministri Edi Rama zhvilloi një takim me përfaqësues të sistemit bankar dhe të industrisë së re Fintech, mbi nevojën për shtrirjen e modernizimit të shtetit në digjitalizimin e shërbimeve financiare.
Rama kërkoi nga bankat që të bëjnë ndryshime reale dhe të prekshme në përmirësimin e teknologjisë dhe modernizimin e shërbimeve.
“Nuk mund të jemi një vend që mbetet shumë i mbyllur karshi inovacionit në sistemin banker. Nuk mund të jemi një vend që mbetet ende shumë i kapur në një boshllëk midis mënyrës se si është i ndërtuar dhe funksionon sistemi ynë financiar.
Që vazhdon me një volum cash-i të papranueshëm në qarkullim, duke pasur ndërkohë një shpenzim shumë të lartë të vetë prodhimit të letrës së parasë, nuk mundet të jemi një vend që kërkon formalizimin e ekonomisë në rrugët tradicionale të inspektimeve fizike dhe të gjobave që kanë rezultuar në të shumtën e herës metodë e pa suksesshme.
Nuk mund të jemi një vend ku bankat mbeten ende shumë larg nevojës së ekonomisë kur vjen puna tek shpejtësia, eficenca e transaksioneve që për ta thënë me një fjalë të vetme edhe pagesat direkte janë në të shumtën e rasteve me metoda tradicionale. Shipëria duhet të fokusohet dhe qeveria është shumë e fokusuar, por kjo nuk është vetëm një çështje e qeverisë tek inovacioni.
Dhe faktikisht ne jemi në situatën kur ligji, jo unë, e ka të shkruar e zeza mbi të bardhë që në janar të këtij viti, duhet të ishte zbatuar nga të gjitha bankat e nivelit të dytë aplikimi i protokolleve të open banking. Dhe Janari ishte një afat i përsëritur dhe i dhënë për herë të parë. Më kujtohet kur kemi bërë së bashku me Delinën bisedën me bankat e nivelit të dytë për sigurinë kibernetike, kur kemi folur për domosdoshmërinë e marrjes seriozisht të kërcënimit kibernetik dhe u desh të ndodhte që pastaj bankat të viheshin në lëvizje.
Kemi një sistem bankar që virtytet po të sistemit tradicional , tanimë nuk jemi më në listën gri dhe kemi të gjitha arsyet të kërkojmë me zë të lartë nga bankat që të jenë në lartësinë e kësaj sfide, që është sfidë e fortë e Shqipërisë. Shqipëria ka tre drejtime ku duhet të shkëlqejë në Evropë, jo vetëm në rajon: Turizmi, energji dhe inovacion, tre drejtimet ku ne mund të rrisim ekonominë. Nëse deri dje nuk e kishim bekimin e teknologjisë, sot jemi në një epokë të progresit eksponencial me një veprim x dhe në bazë të vendimi y të bazuar tek teknologjia, një vend mund të bëjë një kapëcim 100 vjet.
Bankat janë aty për të hapur dyert e zhvillimit, teknologjisë, Shqipërisë që të shkojë më përpara duke u kthyer nga një vend që ka përdorimin më të lartë të cash në ekonomi në një vend pa cash. Dhe kjo është plotësisht e mundur. Mendoj që është koha të merremi vesh shumë qartë për këtë, s’mund ta pranojmë më këtë situatë”, tha Rama.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
...qe tju rjepi me lehte shteti, mos paguani online ose me karta se do ju kthehet ne bumerang.
Do te ishte me mire qe te beje disa klase shkolle dhe pastaj jep ndonje mendim. Nuk ngeli idiot me apo pa shkolle pa dhene mend
Bankeri Edrama, ska nevoje per”cash” se kshu i ka thon Sorrosi apo e ka shpik vet pikloqi
per cfare ta bej shkollen? Shtetit i intereson perdorimi i kartave qe te dine gjithe transaksionet. Mbas disa vitesh leket e thata do ndalohen me ligj dhe shteti te kontrollon sa mund te shpenzosh, te penalizon, te takson etj. Keto gjera jane ne veprin ne shtete perendimore.
pa merak ashu ...
Në konferencën me gazetarët në Kryeministri, osman stafa i tha Ramës se ka fëmijë që vuajn nga uria, ndërsa Edi e mohonte.