Te fundit
Alban Bruçaj e plagosi me thikë 2 vjet më parë, Fusha ju kundërpërgjigj me armë, në kërkim djali i ish-presidentit të Vllaznisë
27 Gusht 2022, 22:10Kronika
TEMA
Tornato Fusha 20 vjeç dhe Bajram Çekorja 24 vjeç, të dy banues në Shkodër, janë dy të rinjtë e shpallur në kërkim nga policia si autorë të dyshuar të sulmit me armë zjarri ndaj Alban Bruçaj.
Ngjarja u regjistrua mbrëmjen e 25 gushtit në lagjen "Partizani" të Shkodrës, ku të rinjtë kanë qëlluar me armë zjarri në drejtim të makinës së Bruçaj, i cili fatmirësisht shpëtoi pa asnjë lëndim.
Ai ka deklaruar në polici se rreth orës 21:30 po kthehej në shtëpi me makinë, kur dy persona të cilët pretendon se nuk i njohu u afruan me motor dhe e qëlluan me breshëri.
19 plumba mësohet se shkrehën ndaj 25 vjeçarit i cili shpëtoi pa lëndime, pasi siç ka deklaruar vijoi të lëvizë me makinë gjatë kohës që ishte nën sulm.
Por policia në zbardhjen e ngjarjes thotë se sulmi i 25 gushtit e ka zanafillën në një konflikt të dy viteve më parë mes Bruçaj dhe Tornato Fushës, i shpallur tashmë në kërkim.Ky i fundit është djali i biznesmenit dhe ish-presidentit të Vllaznisë Valter Fusha.
Ora News mëson se Bruçaj e ka plagosur Fushën me mjete prerëse pas një konflikti të çastit.
Ngjarja u mbajt e fshehur dhe asokohe mësohet se u tentua për një pajtim mes palëve por siç duket një gjë e tillë nuk ka ndodhur dhe të rinjtë shkrehën armën ndaj Bruçaj.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Tomato apo Tornato?! Tocchato Campos mendoj qe eshte emri i vertete. Ka qene shok klase me Paloma Hajdaraj e Beatriqe Kacollaj, mesues kujdestar Kristjan Hamiti.
Tahir mos u lodh kot , eshte emer telenovelash . Dhe , ( kjo eshte per ty ), emer Beatriqe nuk ka gjekundi . Shkruhet e thuhet ," Beatriçe " !
Punetori! Flas italishten, thjesht e shkruajta per ironi! Renditja e emrave te mesiperm eshte thjesht sarkazem dhe tregon se jemi pa identitet si popull.
Njerëzit kur s'kanë ç'të bëjnë, sherr duan. Rrugicat që kërkonin diell.