Te fundit
Arrestohet në Dubai Durim Bami, pritet ekstradimi drejt Shqipërisë
12 Qershor 2024, 10:57Kronika
TEMA
Durim Bami, i shpallur në kërkim në kuadër të operacionit 'Renvashi' gjatë të cilit u goditën disa grupe të forta kriminale në Shqipëri është arrestuar sot (12 qershor 2024) në Dubai.
Lajmi konfirmohet nga policia e shtetit e cila saktëson se kanë nisur procedurat për ekstradimin e tij.
“Si rezultat i shkëmbimit të menjëhershëm të informacionit, ndërmjet strukturave të Policisë së Shtetit dhe homologëve në Emiratet e Bashkuara, u arrestua në Dubai, me qëllim ekstradimin në Shqipëri, shtetasi D. B., 45 vjeç.
Gjykata e Posaçme e Shkallës së Parë Kundër Korrupsionit dhe Krimit të Organizuar, më datë 15.05.2024, i ka caktuar këtij shtetasi, masën e sigurise "Arrest në burg", per veprat penale "Sigurimi i kushteve dhe i mjeteve materiale per te kryer vrasje", “Grupi i strukturuar kriminal", "Kultivimi i bimëve narkotike", dhe "Kryerja e veprave penale nga organizata kriminale, ose grup i strukturuar kriminal".
Vijon procedura per ekstradimin e ketij shtetasi drejt vendit tone”, njofton Policia.
Më 10 qershor policia njoftoi se autoritetet policore të Dubait kishin shoqëruar Durim Bamin dhe vëllanë e tij, Valter dhe se po bëhej verifikimi i gjurmëve të gishtërinjve nëse ka përputhje me të dhënat që kishin dërguar autoritetet shqiptare. Pas konfirmimit, Durim Bamit i është komunikuar dhe arrestimi|
Konkretisht në kuadër të operacionit ‘Revansh’ Durim Bami akuzohet se kishte krijuar kushtet për të vrarë Arben Ndokën, Tori Xhecukën dhe Erigers Mihasin. Po ashtu sipas dosjes efektivi i RENEA-s, Altin Morina rezulton se kishte bashkëpunuar me Durim Bamin për të organizuar kultivimin e bimëve narkotike në zonën e Niklës së Tapizës.
Nga 50 urdhër arreste në total për shtatë grupe kriminale, 21 janë arrestuar, 28 janë akoma në kërkim, mes tyre edhe ish-deputeti i PS, Arben Ndoka.
Besohet se më shumë se 16 vetë ishin vënë në ndjekje për të vrarë dy vëllezërit Valter dhe Durim Bami.
Operacioni i zhvilluar nga SPAK, u finalizua në bashkëpunim me Europol dhe u shtri në disa qytete si Tiranë, Durrës, Vlorë, Lezhë, Fushë Krujë dhe Rrëshen. Anëtarët e shtatë bandave të rrezikshme, mes të cilëve dhe zyrtarë policie akuzohet se janë përfshirë në veprimtari kriminale, si vrasje, tentativa vrasje, kultivim kanabisi etj.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Une pres arrestimin e Drejtorit te Policise Vendore Fier, Lorenc Panganika dhe Drejtorit te Ujesjellesit Tirane Elton Kacollja.
Po ç'i keni keto perralla more amani! Si do ekstradohet ne Shqiperi ky? Apo si ai qe u kthye vete?