Te fundit
Gjermanët dhe italianët e mashtruar nga Forex hapin gjyqe në Shqipëri, të huajt: Duam paratë tona!
22 Dhjetor 2024, 20:01Kronika
TEMA
Gunter Held, 77 vjeç është një nga qindra shtetas të huaj të mashtruar për të investuar përmes call center-ave, që i kërkon drejtësisë shqiptare të ndërhyjë që t’i kthehen pas 135 mijë eurot e vjedhura.
Anila Hoxha mëson për Top Channel se i moshuari gjerman ishte një nga 41 të mashtruarit në një skemë të mirëfilltë kriminale ku pas hetimeve të SPAK u gjetën fajtorë Erion Kasmi dhe Xhulian Xhafa.
Por ndërsa pasuritë e tyre janë të sekuestruara mbas kërkesës së prokurorisë, i moshuari nga Gjermania së bashku me katër bashkëkombës të tjerë përfunduan në gjykatën civile me kërkesën që veç procesit penal, në zhvillim e sipër të garantohen gjyqësish që do të dëmshpërblehen.
Por avokati i tyre thotë se po has në probleme mbasi me aplikimin e gjykimit të shkurtuar ndaj të akuzuarve, klientët e tij rrezikojnë të presin gjatë në gjykimet civile. Ky është vetëm një nga ngërçet.
Avokati Arben Gramo shprehet: “Ka një problem ligji, duhet vendosur konfiskim po kujt për llogari të shtetit apo të klientëve të mi që kanë humbur miliona”.
Aktualisht nga SPAK janë nën procedim pesë dosje, ku nga mashtrimet me Forex ranë viktima qindra qytetarë evropianë të cilët sipas ligjit në procesin penal janë viktima të veprës penale.
Ndërkohë edhe në një fashikull të dytë, nga 120 shtetas italianë të mashtruar deri më tani vetëm 12 prej tyre kanë hapur betejën për dëmshpërblim për vjedhjen që u ndodhi nga skema.
Në vetëm një prej grupeve të zbuluara u konstatua se kishin shkaktuar 50 milionë euro dëm në disa vende të Evropës përmes zhvatjes.
Mashtrimi online përmes “call center-ave” kryer nga disa grupe shqiptare dhe të huaja, solli si reagim krijimin e skuadrave të përbashkëta midis SPAK dhe tre shteteve nga Spanja, Gjermania dhe Italia, të cilat identifikuan edhe vendndodhjen e dhjetëra zyrave prej nga kryheshin mashtrimet.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Atyr personave qe kane mashtruar keto te huajt ! ne rradhe te pare denimin ne maksimum nga Ligjet qe jane ne fuqi..... ndersa persa i perket demshperblimeve ! duhet ti paguaj shteti shqiptare nga Arka e shtetit njehere .... dhe shteti shqiptare pastaj tjua mari ketyre legenave qe mashtruan njerezit e pafajshem.... se me moshen qe kane keta te huajt ! cfare duhet te presin keta ! kure te vdesin se mosha ben te veten... ndersa ata qe kane mashtruar do zoti kure mos befshin hajer ne jete...legenat...ne 33 vite na myten njeher maloket me Tokat e xanun...njehere me skifteret qe vjedhin... njehere me Drogat qe kokat hengshin dhe i shfarosshnit njehere mire ..