Te fundit
I morën me dhunë një 27-vjeçari mbi 5 mijë euro dhe 3 celularë, arrestohen dy të rinjtë në Vorë
13 Tetor 2025, 16:05Kronika
TEMA
Një 27-vjeçar është grabitur me dhunë nga dy të rinj, mbrëmjen e djeshme në Marikë të Vorës, teksa i është marrë shuma e 5300 euro dhe 3 celularë.
Policia ka identifikuar dy autorët, të cilët janë arrestuar. Gjatë kontrollit të ushtruar në banesën e njërit nga të ndaluarve, u gjetën 2 karikatorë arme zjarri automatik model 56, një palë pranga, një mjet prerës (thikë) dhe 3 celularët e vjedhur.
Ndërsa po ashtu kanë nisur hetimet për një 24-vjeçare për moskallëzim krimi.
“Shërbimet e Komisariatit të Policisë Nr. 7, menjëherë pas marrjes së njoftimit se një shtetasi i kishin vjedhur me dhunë, një shumë parash, organizuan punën për zbardhjen e vjedhjes, identifikimin dhe kapjen e autorëve. Si rezultat i veprimeve të kryera në kuadër të operacionit policor të koduar “Road”, u lokalizuan në një banesë të braktisur, u kapën dhe u vunë në pranga 2 autorët e dyshuar të rastit, shtetasit F. S., 26 vjeç, dhe G. Sh., 30 vjeç, banues në Vorë.
Gjithashtu, për këtë rast u referuan materialet në Prokurori ku nisi procedimi në gjendje të lirë për shtetasen E. P., 24 vjeçe, për veprën penale “Moskallëzimi i krimit”.
Nga hetimet dyshohet se shtetasit F. S. dhe G. Sh., në rrugën e fshatit Marikaj, në mbrëmje, i kanë marrë me dhunë, një shtetasi, 5300 euro dhe 3 celularë.
Gjatë kontrollit në banesën e shtetasit F. S., në Vorë, shërbimet e Policisë gjetën dhe sekuestruan në cilësinë e provës materiale: 2 karikatorë arme zjarri automatik model 56, një palë pranga, një mjet prerës (thikë) dhe 3 celularët e vjedhur”, thuhet në njoftimin e policisë.
Materialet procedurale iu referuan Prokurorisë pranë Gjykatës së Shkallës së Parë Tiranë, për veprime të mëtejshme.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Grabitja eshte një veprim me dhunë ore gazetar djali. Vjedhja eshte veprim pa dhunë. Hape fjalorin. Grabitje me dhunë nuk ka kuptim.
Shume mire e ke por me ke flet!
E tha mire Grabitesi. Shikoni mire se cfare fjalesh perdorni. Shikoni ndryshimin e vjedhjes nga grabitja ne ligjin Amerkan: The primary difference is that robbery is theft accomplished by force, threat of force, or intimidation, making it a violent crime, while stealing (or theft/larceny) is the taking of property without the use of force or fear. Robbery involves direct confrontation or coercion of a victim and carries more severe penalties than simple theft, which often involves a stealthier, less confrontational act.