“Jemi steka të vjetra ne”, pjesë nga përgjimet e rrjetit të kokainës në Tiranë

11 Shkurt 2024, 20:00Kronika TEMA

“Jemi steka të vjetra ne”, pjesë nga përgjimet e

Të tjera përgjime publikohen nga dosja e të arrestuarve gjatë operacionit “Tempullit” në Tiranë, ku një grup të rinjsh shpërndanin lëndë narkotike, kanabis, heroinë dhe kokainë në zonat më të frekuentuara të kryeqytetit.

Në dosjen e siguruar ekskluzivisht nga gazetarja e Top Channel, Anila Hoxha janë zbardhur përgjimet, ku persona të autorizuar nga prokurori i çështjes, kontaktonin me shpërndarësit dhe siguronin lehtësisht kokainë.

Sipas Prokurorisë, për shitjen e kokainës, ata e siguronin nga lidhjet e tyre shoqërore, e ndanin në doza dhe e mbanin të fshehur brenda banesës së tyre. Dyshohet se bëhet fjalë për sasi të konsiderueshme, të cilën në shumë raste e shisnin edhe në doza të mëdha, në varësi të kërkesave.

Në këtë pjesë të dosjes tregohet se si personi Leo Skufi u shiste kokainë dy personave të tjerë me emrat e koduar “Miri” dhe “Ledi”.

Më datë 24.11.2023 personi me emrin e koduar Miri blen kokainë në Rrugën e Dibrës nga Leo Skufi.

A-Për atë erdha na shpija, e kisha me dy menje, pop pata pi në Durrës me i shok nja dy, tre viza. Se kisha bo men me pi, sa tët jap vllai?

A-Prit se mos marr prap më mbrapa.

A-Se jam me nja katër shokë aty…

B-Avash, avash bjeri telefonit sa herë të dush, sa here të dojë…

Më datë 04.01.2024, rreth orës 22:50, në rrugën “Nazi Meka”, sipas dosjes, personi me emrin e koduar “Ledi” blen kokainë tek Leo Skufi.

A-Ke filla pun apo e ke të taten taksin?

A-Mirë ja ke bo të paktën justifikohesh.

B-A ke no një qese plasmasi na njo gjë?

A-A e kishe kështu s’e ke bo gati për punë

B-Nuk kuptohet…ke parë kështu ti duke ta peshu në vend

A-Këtu pra në sy, sa të ka shku

A-Po lër pra se jena steka të vjetër ne.

A-Po lëre more ashtu hidhe me sy për mu mos ashu se e di që je korrekt nuk bën hile

A-E di që s’je dallavere por ti ke dalë për punë, pse cca u bë që i fute një vizë mangut as do të ngrej as do të uli tre e tridhjetë aman o burr për mua as mos e …, hiç mos e vrit mendjen.

A-Për mu je i nderum i respektum.

2 Komente

  1. S
    Sara

    ore si dekonspirohen keshtu hetimet ashiqare dhe askush nuk mban pergjegjesi?! Pastaj na del qe keta prokuroret qe shesin sekretet e hetimit kercenojne gjyqtare si kriminele ordinere

    1. J
      Juristi

      Pusher ose street dealer kta më shumë shesin paracetamol se sa cocaine

      Lini një Përgjigje