VIDEO/ Kishin zaptuar plazhin e Gjipesë duke vendosur çadra pa leje, procedohen katër persona në Himarë

Shërbimet e Policisë kanë  vijuar  kontrollet përgjatë gjithë vijës bregdetare, me qëllim lirimin e hapësirave publike për pushuesit dhe verifikimin e aktiviteteve që kryejnë subjektet, gjatë sezonit veror.

Si pasojë katër shtetas janë proceduar nga Policia e Himarës pasi kishin zënë hapësirat publike në plazhin e Gjipesë duke vendosur çadra dhe shezlongë, pa leje.

Njoftimi i Policisë:

Vijon operacioni policor i koduar “Plazhi i lirë”, për lirimin e hapësirave publike në vijën bregdetare dhe verifikimin e aktiviteteve që zhvillojnë subjektet private.    

Kishin zënë hapësira publike në plazhin e Gjipesë, duke vendosur çadra dhe shezlongë, pa leje, procedohen penalisht 4 shtetas.       

Shërbimet e Komisariatit të Policisë Himarë, në bashkëpunim me Policinë Bashkiake dhe me ndihmën e forcave policore të Kufirit, të FNSH-së, si dhe të Forcave Detare, ndërhynë nga deti, në gjirin e Gjipesë, për lirimin e hapësirave publike të zëna në mënyrë të paaligjshme. Nga kontrollet u konstatua se shtetasit A. Z., B. Sh., G. S. dhe M. Sh., kishin zënë në mënyrë të paligjshme, sipërfaqe publike, nga 300 deri në 500 m² secili, në të cilat kishin vendosur çadra dhe shezlongë, pa qenë të pajisur me leje nga autoritetet përkatëse dhe pa NIPT për ushtrimin e aktivitetit.  

Në vijim të veprimeve procedurale, specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimin penal ndaj këtyre katër shtetasve, për veprat penale “Pushtimi i tokës” dhe “Fshehja e të ardhurave”, parashikuar nga nenet 200 dhe 180 të Kodit Penal.  

Në cilësinë e provës materiale u sekuestruan gjithsej 131 çadra dhe 268 shezlongë, të cilët u transportuan me ndihmën e mjeteve lundruese të Forcës Detare, për shkak të terrenit të vështirë tokësor.  

Shërbimet e Policisë do të vijojnë kontrollet përgjatë gjithë vijës bregdetare, me qëllim lirimin e hapësirave publike për pushuesit dhe verifikimin e aktiviteteve që kryejnë subjektet, gjatë sezonit veror.

Hyri në e-Albania me të dhënat e të afërmes dhe mori mikrokredi, vihet nën hetim 32-vjeçarja në Tiranë

13:37 Kronika

VIDEO/ Dogji automjetin e fqinjit dy ditë më parë, arrestohet 60-vjeçari në Tiranë

13:28 Kronika 1 koment

Situata e zjarreve në vend: 4 vatra aktive, ja zonat me rrezik të lartë

13:17 Kronika 1 koment

Akuzohet se pastroi paratë e grupit Çopja, Apeli i Posaçëm kthen në qeli Artemis Stafën

12:34 Kronika

Dosja “Plumbi i Artë” - Dy avokatë tërhiqen nga procesi, shtyhet seanca

12:23 Kronika

VIDEO/ Aksident i rëndë në aksin Lezhë-Shkodër, humb jetën një turist i huaj

11:59 Kronika 1 koment

Ervin Salianji kërkoi lirimin nga qelia, prokurori jep dakordësinë! Trupa gjykuese tërhiqet për vendim

11:58 Kronika 5 komente

Hapet për herë të parë gara për drejtor të Departamentit të Sigurisë Publike, ja afati i aplikimit dhe kushtet

11:54 Kronika 1 koment

Manja: Sot kemi nevojë për drejtësi jo vetëm të pavarur, por që jep edhe llogari për rezultatet e saj

11:33 Kronika 5 komente

Gjykata vendos sot për Salianjin, Shërbimi i Provës sjell raport pozitiv për ish-deputetin

11:29 Kronika 4 komente