Te fundit
Kreu i Gjykatës së Lartë: Sistemi i drejtësisë në shkelje të afateve, u jemi borxh qytetarëve. Shqetësues numri i rekurseve
29 Dhjetor 2023, 10:48Kronika
TEMA
Kreu i Gjykatës së Lartë Sokol Sadushi pohoi sot se sistemi i drejtësisë është në borxh me qytetarët për sa i përket dosjeve të patrajtuara.
Në fjalën e tij ai theksoi se i gjithë sistemi është në shjelje të afateve megjithatë tha se Gjykata e Lartë me 15 anëtarë është përballur me një fluks prej 24 mijë dosjesh.
Sadushi shtoi se po bëhet çmos që brenda një periudhe dyvjeçare gjërat të shkojnë në rrugën e duhur.
“I gjithë sistemi i drejtësisë është në shkeljen e afateve të arsyeshme të çështjeve ligjore por jemi duke bërë çmos që ta ulim sasinë e dosjeve pa përgjigje edhe pse kemi pasur të stok të lartë. Të gjitha çështjet që kanë impakt publik janë në prioritetin e Gjykatës së Lartë. Me një numër më të vogël se 15 gjyqtarë jemi përballur me mbi 24 mijë çështje.
Unë premtoj dhe shpresoj një dyvjeçar që të zbusim gjendjen. Pengesën më të madhe e kemi në vitet 2017-2018 sepse kemi shumë çështje të depozituara. Nëse arrijmë të heqim fluksin më të madh të viteve 2017-2018, vitet e tjera ku më pak çështje do kalojë më shpejt.
Vetëm në harkun e tre vjet rimëkëmbjeje, numri prej 24.688 vendimesh ka tejkaluar backlogun, që rezulton i ulur ndjeshëm në 24.120 çështje. Ulja e numrit të lartë të çështjeve të prapambetura kërkon kohë dhe një strategji koherente e frytdhënëse, që falë bashkëpunimit me projektin që mbështetet nga Departamenti i Shtetit, Byroja për Çështjet Ndërkombëtare të Narkotikëve dhe Zbatimit të Ligjit pranë Ambasadës së SHBA në Tiranë, ka rezultuar i sukseshëm"- tha Sadushi.
Lidhur me çështjen e gjobave ndaj avokatëve për çështje të ndryshme ai tha se ndëshkimi nuk është qëllim në vetvete por sigurojnë njëfarë qëndrueshmërie ndërsa tha se rekurset e pabazuara në gjykatë tregojnë për mungesë profesionalizmi nga ana e tyre.
“Nuk është gjoba çështje më vete për të ulur fluksin e çështjeve që shkojnë në gjykatë po është një lloj mekanizmi që siguron njëfarë qëndrueshmërie. Mjafton edhe një ndëshkim disiplinor avokatëve të shtetit apo prokurorëve që janë palë. Nëse Gjykata e Lartë deklaron se është një akt i pavlefshëm, do të thotë se avokati apo drejtuesi i institucionit nuk e kalon lehtësisht situatën.
Rekurset e pabazuara mungesë profesionalizmi nga avokatët. Për dosjet stok në Gjykatën Lartë u jemi borxh qytetarëve. Shqipëria e ka marrë një goditje nga Gjykata e Strasburgut, e cila e ka pranuar deri diku gjendjen ku ndodhet Shqipëria, po kjo nuk justifikohet. Nuk është e pranueshme që qytetari të mos marrë një përgjigje brenda afateve ligjore” – shtoi Sadushi.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kerkoni ndryshim kushtetute qe te rrisni numrin e gjyqtareve. Tregojini politikes te mis vere numra badihava, por te referohet ne shkence. 24,000 dosje jane termet ne jurisprudence, nuk jane provime gjimnazi! Rekurset dhe taktika politike per te mbytur gjyqsorin dhe prokurorite, me qellim vonesa te thera zinxhir, duhen edikuar me ligj te posçem.
I mrekullueshem... Beme baba te te ngjaj. Shume respekt per babain tend te mire...