Te fundit
Policia bën ‘kërdinë’: 24 mijë gjoba për një javë
12 Gusht 2024, 17:37Kronika
TEMA
Drejtoria e Policisë Rrugore bëri të ditur se gjatë javës që u la pas janë pezulluar 154 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt, si dhe janë arrestuar 41 drejtues mjetesh, për drejtim të mjetit në gjendje të dehur dhe për drejtim të mjetit pa leje drejtimi.
Gjithashtu, në të gjithë vendin janë vendosur 24 231 masa administrative, nga këto:
– 6701 për shpejtësi tej normave të lejuara;
– 1014 për përdorim të celularit gjatë drejtimit të mjetit;
– 1306 për mospërdorim të rripit të sigurimit;
– 2357 për parakalime të gabuara;
– 267 për mosvendosje të kaskës mbrojtëse;
– 117 për manovra të rrezikshme në rrugë;
– 201 për drejtim të mjetit në efektin e alkoolit;
– 10034 për parkim të gabuar;
– 2234 për shkelje të tjera të Kodit Rrugor.
Më tej, gjatë javës që kaloi, janë goditur nga Policia Rrugore e Tiranës, 2 raste të tentativës për të korruptuar punonjësit e Policisë, me qëllim shmangien e masave administrative për shkeljet e konstatuara.
Policia Rrugore apelon për të gjithë drejtuesit e automjeteve dhe motomjeteve, për zbatim me rigorozitet të rregullave të qarkullimit rrugor, për qëndrim në radhë kur ka ngadalësim të lëvizjes së automjeteve në raste fluksi, për përdorim të rrugëve alternative, që t’iu japin përparësi këmbësorëve dhe të mos kryejnë parakalime të gabuara apo manovra të rrezikshme në qendrat urbane dhe në akset nacionale.
Gjithashtu, për drejtuesit e kamionëve që të zbatojnë me rigorozitet kufizimet e lëvizjes gjatë fundjavës dhe festave zyrtare.
Me qëllim rritjen e parametrave të sigurisë rrugore, Policia e Shtetit fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
keni dhe nga 10 vdekje, shenojini apo skeni qene prezente kur kane ndodhur. shteti s behet me statistika por me pune konkrete ne teren dhe duke u mare vertet me ate qe eshte i papergjegjshem dhe behet burim aksidenti. ju vete kur dilni kontroll dilni ne hije dhe beheni vete burim aksidenti. shteti i armatosur rri ne ferre. policet e cdo qyteti e dine shume mire kush nuk i zbaton rregullat kush eshte prototipi, s eshte nevoja per gjithe kete teknologji se me keto kapen pushuesit qe te lodhur nga rruget e mira dhe pa trafik kur gjejne pak vend per te ikur dilni ju me drone e teknologjie e ja nxirrni pushimet nga hundet. ju dilni kryesisht pas tabelave 40 km/h, 60 km/h dhe 80 km/h dhe kapni burim aksidenti mbi shpejtesine e lejuar deri ne 81 km/h, 85 km/h etj pra keto shpejtesi qe gjobiten. ata te tjeret qe jane vertet burim aksidenti u merrni leket per pushimet tuaja. ndryshe nuk shpjegohet se si ne rruge por edhe brenda qytetit te vijne makinat me shpejtesi. fakte sa aksidente keni ne jave brenda qytetit. e po te kishit punuar brenda qytetit sidomos nuk duhet te kete aksidente.