Te fundit
Zgjedhja e Klodian Brahos, si votuan anëtarët e KLP-së për kreun e ri të SPAK?
11 Dhjetor 2025, 17:01Kronika
TEMA
Këshilli i Lartë i Prokurorisë finalizoi sot garën për kreun e ri të SPAK duke i dhënë shtatë vota pro, Klodjan Brahos, i cili u shpall fitues mes katër kandidatëve. Procesi u zhvillua pas intervistave publike, ku secili prej prokurorëve të posaçëm prezantuan vizionin dhe programin e tyre për drejtimin e Prokurorisë së Posaçme.
Megjithatë gjatë seancës disa anëtarë të KLP-së vlerësuan prezantimin e Brahos, por jo të gjithë prej tyre ia dhanë votën. Më i spikaturi ishte anëtari Erjon Fejzullah, i cili gjatë intervistimit e vuri në dukje se sa interesant ishte paraqitur kandidati, por në momentin e votimit zgjodhi të mbështeste Elvin Gogajn, duke qenë i vetmi që votoi për të.
Ndërkohë, anëtarja tjetër e KLP-së, Arta Mandro, e cila mëngjesin e sotëm gjatë shpalosjes së platformës nga Adnan Xholi u përfshi në një episod humori me këtë të fundit.
Ajo e pyeti nëse do të kishte “mbështetjen” e Xholit nëse vota e saj do të shkonte për të, ndërkohë që ky i fundit iu përgjigj që para ligjit të gjithë janë të barabartë por që e vetmja “favorizim” që do të kishte ishte një kafe në SPAK.
Por, mesa duket kjo “kafe” nuk “i ka mbushur mendjen” anëtares e cila ka vendosur që votën e saj ta çojë si shumica e anëtarëve, për Klodjan Brahon.
Si votuan anëtarët:
Sokol Stojani votoi për Adnan Xholin
Mojsi Duda votoi për Klodjan Brahon
Olger Eminaj votoi për Klodjan Brahon
Erind Mërkuri votoi për Adnan Xholin
Mirela Bogdani votoi për Klodjan Brahon
Vatë Staka votoi për Adnan Xholin
Ledina Riza votoi për Klodjan Brahon
Erind Gërmenji votoi për Klodjan Brahon
Zeqir Hoda votoi për Klodjan Brahon
Arta Mandro voti për Klodjan Brahon
Erjon Fezullah votoi për Elvin Gogaj
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ha ha ha ha ha ha o Debili ler sa klas shkoll ke ? ? ? Apo ta ka ble mami dipllomēn te dashnori.
Amos qe Braho qe kerkoi pergjimin e gjyqtarit te Kushtetueses ?!!!