Tentoi t’i shpëtonte policisë pasi kishte në mjet kokainë, shqiptari i bie shtyllës dhe humb jetën në Itali

Një 38-vjeçar shqiptar ka humbur jetën mbrëmjen e djeshme në një ndjekje nga policia në zonën e Nettuno, afër Romës.

Ngjarja ka ndodhur rreth orës 20:30, kur dy automjete që lëviznin me shpejtësi të lartë tërhoqën vëmendjen e dy patrullave të policisë italiane.

Sipas hetimeve paraprake, patrullat nisën ndjekjen e menjëhershme të automjeteve. Njëra prej makinave u ndal pak minuta më vonë dhe në të ndodhej një 26-vjeçar italian, i cili u arrestua në vendngjarje.

Ndryshe ndodhi me mjetin tjetër, një Fiat Cinquecento, i cili vazhdoi arratinë duke hyrë në një rrugë të dëmtuar. Automjeti përfundoi duke u përplasur me një shtyllë telefoni dhe u rrotullua disa herë.

Kur policia mbërriti në vendin e aksidentit, shoferi, një shtetas shqiptar 38 vjeç, kishte ndërruar jetë. Pavarësisht përpjekjeve për t'i dhënë ndihmën e parë, ai nuk mundi të shpëtohej. Trupi i tij u transportua në spitalin Policlinico Tor Vergata për ekzaminime të mëtejshme.

Ndërkohë, brenda makinës së 38-vjeçarit u gjet një çantë e madhe me 23 pako që përmbanin 25 kilogramë kokainë, sasi kjo me vlerë të konsiderueshme në tregun e zi të drogës.

Sakaq, autoritetet italiane kanë nisur hetimet për të zbuluar nëse dy të ndaluarit janë pjesë e një rrjeti më të gjerë trafikimi.

Aksioni i policisë te Gjiri i Lalzit, Gjykata e Durrësit jep masat për Xhevdet Plakun dhe 6 të arrestuarit e tjerë

15:10 Kronika

Po çmontonte bolierin e ujit, por i ra në kokë, humb jetën 52-vjeçari në Tiranë

12:57 Kronika

Asgjësohet parcela me mbi 3000 rrënjë kanabisi në Lezhë, arrestohet 30-vjeçari! Në kërkim i vëllai dhe një tjetër

12:25 Kronika

Shpërthimi në Berat: Eksplozivi në derën e lokalit, mesazh për djalin e pronarit

12:13 Kronika 2 komente

Helmimi nga ushqimi me salmonelë në kopshtin e Gramshit - Bllokohen kartelat e 6 pacientëve të shtruar në spital, nisin hetimet

12:00 Kronika 1 koment

Në kërkim për dhunën ndaj Vladimir Buçit për një vend parkimi, arrestohet Arlind Kajoshi në Shkodër

11:10 Kronika

Policia e arrestoi pasi i vodhi çantën një qytetari në Dibër, 32-vjeçarit i gjenden në banesë dhe doza lëndësh narkotike për shitje

10:52 Kronika

Tentuan që të vrisnin me sëpatë një 58-vjeçar në Fier, arrestohet babai, shpallet në kërkim i biri

10:08 Kronika 2 komente

Merr flakë në lëvizje një makinë në rrugën Fier- Lushnjë, detajet e para

09:27 Kronika

Shqiptari në Greqi u vra për pronën, avokati i autorit: Tentoi t'i hiqte armën, por u shkrep

22:25 Kronika