Te fundit
Tre shqiptarë arratisen nga burgu në Itali, kapën dy prej tyre
10 Qershor 2022, 09:18Kronika
TEMA
Tre shtetas shqiptarë u arratisën nga burgu i Trevisos në Itali. Ngjarja ndodhi në orët e para të mëngjesit të së premtes. Ata janë arratisur pasi kanë prerë hekurat e qelisë dhe kanë përdorur çarçafët për të zbritur nga qelia.
Gjithashtu mësohet se dy nga tre të dënuarit u kapën.
Personi i cili i shpëtoi prangave të Policisë dyshohet se është Edison Pula, 27 vjeç nga Kruja.
Ky i fundit gjendej në burg për llogari të vendeve evropiane pasi kishte një urdhër-arresti evropian për tentativë vrasje, grabitje, posedim eksplozivi dhe krime të tjera të trafikut të drogës, të gjitha të kryera jashtë Italisë.
Është hera e dytë që Pula arratiset nga duart e Policisë.
Në dhjetor të vitit 2016 ai u arrestua nga Policia e Shtetit dhe disa orë pas arrestimit të tij ai u arratis nga Komisariati i Krujës, aty ku mbahej në paraburgim.
Në atë kohë, Pula ishte i dyshuar për veprat penale “Vrasje me paramendim e ngelur në tentativë”, “Shkatërrim i pronës me eksploziv”, “Vjedhje me dhunë” dhe “Prodhimi dhe mbajtja e armëve dhe municioneve luftarake”.
Ai gjithashtu mendohet të jetë pjesë e bandës famëkeqe të Nikelit.
Më të lexuarat
24 oret e fundit
Javen e fundit
Blog Tema
Lini një Përgjigje