Te fundit
U arrestua për sulmin në uzinën e Gramshit/ “Kupton dhe flet shqip”, çfarë po ndodh me rusen Svetlana Timofeeva
18 Dhjetor 2022, 15:45Kronika
TEMA
Shtetasja ruse Svetlana Timofeeva që prej një muaji ka dalë nga spitali i burgut, ndodhet në burgun e grave ne IEVP Ali Demi (325). Timofeeva, e cila u arrestua nën akuzën se është spiune ruse, qëndron e vetme në dhomë të veçantë izolimi dhe me siguri të veçantë.
Që prej ditës që ndodhet në qelinë e burgut Timofeeva ka pasur dy takime me përfaqësues të ambasadës ruse dhe ka pasur të drejtë të bëjë 4 komunikime me skype. Burime kofidenciale i thanë News24 se shtetasja ruse kupton dhe shprehet edhe në gjuhën shqipe.
Timofeeva që kur u arrestua më 20 gusht qëndroi në spitalin e burgut, pasi sipas mbrojtjes së saj ajo kishte probleme shëndetësore, si çrregullime të ankthit. 33-vjeçarja qëndroi 3 muaj në spitalin e burgut dhe një grup sigurie nga burgu i grave qëndroi në spitalin e burgut për ruajtjen e sigurisë së ruses.
Kujtojmë që Prokuroria e Elbasanit ka regjistruar tre akuza për çështjen e rusëve dhe ukrainasit që hynë në uzinën e Gramshit dhe ka dërguar dosjen për gjykim. Bëhet fjalë për nenin 214, “sigurimi dhe dhënia e informacioneve ushtarake një shteti të huaj me qëllim cenimin e pavarësisë”, nenin 237 “goditje për shkak të detyrës dhe mbajtje e armëve të ftohta pasi mbajtja e neuropalizuesve profesionale futet tek armët e ftohta”, si dhe nenin 279 “Mbajtja, blerja apo shitja në automjete apo në çdo mjet tjetër të motorizuar, në mjedise publike ose në mjedise të hapura për publikun, e armëve të ftohta.”.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Interesi ishte se a mund te prodhohej akoma municion i modeleve ruse!
Kupton shqip dhe flet shqip nuk eshte e njejta gje
Deglisi nuk eshte e njejta gje,te kuptosh eshte tjeter dhe te artikulohesh eshte tjeter gje.Faleminderit per mirkuptimin.Rrofte shoku Sali
Nje sufllaqe me qeper per shkencarin ju lutem.
Kurse ti mos u ngut kaq shume,e ke te rezervur me trangull,bio,te pa qruar qe te mos kesh dyshime!!! Gjithsesi,edhe te duash te rrish injorant eshte nje gje qe nuk e kane te gjithe,eshte gjithnje personale!!
Nuk eshte e njejta gje .... si qenka e njejte ?? Kaq e veshtire eshte ta kuptosh ??
Per zbulusen Ruse nje vende ne burgun e vipave e ka shume ,se Putini nje SHqiptare ne pozitat e zonjes ne fjale do e çonte ne Siberi afer NAVALNIT kundeshtarit te tije.
Nuk e kuptoj! Pse shërbimi sekret rus,do rrezikojë kuadrot e ti.Në një kohë kur drejtues të shtetit shqiptar si Basha,Berisha etj,janë të gatshëm tu japin ctë duan,pasi shpërblehen me miliona rubla.