Te fundit
Çuçi: Indeksi i pëlqyeshmërisë për punën e Policisë së Shtetit është rritur. Do të rikthejmë kamerat e trupit dhe do të investojmë 7.6 herë më shumë në teknologji
14 Dhjetor 2022, 14:58Kronika
TEMA
Duke folur në konferencën përmbyllëse të projektit “Forcimi i Policimit në Komunitet” i financuar nga qeveria suedeze, ministri i Brendshëm, Bledi Çuçi deklaroi se sot Policia e Shtetit është një ndër institucionet më të besueshme në vend dhe se indeksi i pëlqyeshmërisë së qytetarëve ndaj punës së policisë ka pësuar një rritje domethënëse nga 36% në vitin 2013 në 59% në vitin 2022.
“Ky është një fakt që tregon se të gjithë përpjekjet tona duket që janë shpërblyer. Kjo s’mund të arrihej pa partnerë si qeveria suedeze përmes këtij projekti”, deklaraoi ministri Çuçi.
Në vijim ai përmendi të tjera arritje të punës së Policisë së Shtetit sidomos përmes shfrytëzimit të avantazheve që krijon teknologjia
“Kemi kaluar nga patrulla policie që të ndalonin ndonjëherë edhe pa shkak, në përdorimin e radarëve automatikë dhe makinave inteligjente duke ulur kështu kontaktin e qytetarit me punonjësin e policisë që në shumë raste ishte edhe burim ryshfeti.
Së shpejti do të kalojmë në njoftimin elektronik të menjëhershëm të qytetarit në rast shkeljeje dhe do të vijojmë investimet në teknologji e pajisje dixhitale për të rritur cilësisht punën e Policisë. Vetëm vitin e ardhshëm kemi parashikuar 7.6 herë më shumë investime në Teknologji në Policinë e Shtetit”, tha ministri Çuçi.
Ai foli më tej për ngritjen e Këshillave Vendorë për Sigurinë Publike dhe fushatat e ndërgjegjësimit nëpër shkollat e vendit.
“Pavarësisht këtyre arritjeve me ndihmën edhe të programit suedez, ne jemi në një përpjekje të vazhdueshme për të përmirësuar punën e policisë, rritjen cilësore të shërbimit që ajo i ofron publikut, një zbatim tërësor të filozofisë së policimit në komunitet.
Në objektivat tona është shtrirja e përdorimit të kamerave të trupit për punonjësit e patrullave të policisë. Kjo do të rrisë më tej transparencën në punën tonë gjatë kontakteve me publikun, rritjen e cilësisë së shërbimit dhe evidentimin e rasteve të mundshme të abuzimeve.
Dëshirojmë t’i japim një zhvillim të mëtejshëm Komisariatit Dixhital, si një formë që ka rezultuar e suksesshme për raportimin e shkeljeve nga qytetarët”, u shpreh Ministri i Brendshëm.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po ik o rrote cari. Leji teknologjite dhe pelqyeshmerine se jeni sic ishit. Komplet imazh aspaj pune. Vendos ate aplikacionin" komisariati digital" qe u vu ne kohen e fatmir xhafes. E kishim ne celular. Dhe ishtr 100 here me mire se policia vete. Sa shikonim nje shkelje, nje makine te parkuar keq, nje demtim prone, nje sherr, fotografohej direk ne celular, i cohej direkt ne anonimitet te plote policise. Dhe per 5 minuta vinte policia. Sec patet qe e c'aktivizuat ju e dini! Or cuc, veri mendjen punes. Mos u merr me llafe. Ndonjehere gjerat e thjeshta jane super eficente. Aplikacioni komisariati digital e sillte policine tek qytetari qe kishte nje ankese direkt.
O Çuçi ose qyce me mire te themi. Perveq politikes dhe gjyqesorit, policia shqiptare eshte gjeja ma e shemtuar e tranzicjonit te gjat shqiptar. Polic pa integritet, fizik, edukat dhe sjedhje qytetare. Nese nuk e kupton kaq, eshte alarmante. Se pari, hiqi postoblloket nga rruget apo akset kombetare sepse eshte nje praktik e shemtuar qe nuk e shef ne asnje vend normal. Kaq per sot.
Policia te rrethrrotullimi I kavajës të ndalon vetëm për rryshfet. Kur e pyet policin pse më ndalon? Pergjigjja më injorante..... kontroll rutin.
Po me uren cfar paten ( filmi shqiptare). Po ju me kamerat cfare patet qe I hoqet, apo gjysma ishit ju pushtetaret dhe ju doli boja.