VIDEO e dhunës barbare, Policia shoqëron të miturat që rrahën shoqen e tyre dhe jep detajet

Policia e Tiranës ka reaguar mbi pamjet e rënda që kanë qarkulluar ditën e sotme në media, ku disa vajza të mitura të shkollës "Kongresi i Manastirit" dhunonin barbarisht një bashkëmoshatare të tyre, teksa një i mitur tjetër filmonte aktin.

Blutë e kryeqytetit bëjnë me dije se kanë identifikuar të miturin që kishte filmuar konfliktin, si dhe katër të miturat të përfshira në konflikt, të moshave 13 dhe 14 vjeç (një djalë e 4 vajza). Të miturit janë shoqëruar në komisariatin nr.6 ku po intervistohen.

Policia bën me dije se ngjarja ka ndodhur më 15 shkurt, në rrugën "Tre Dëshmorët", dhe jo në ambientet e shkollës "Kongresi i Manastirit".

Reagim i Drejtorisë Vendore të Policisë Tiranë

Në lidhje me një video të publikuar në portale ditën e sotme, në të cilën shfaqen disa të mitura që dhunojnë një bashkëmoshataren e tyre, ju sqarojmë se:

Shërbimet e Komisariatit të Policisë Nr. 6, menjëherë pas publikimit të pamjeve filmike, organizuan punën për identifikimin e shtetaseve që shfaqen në video si dhe sqarimin e rrethanave të kësaj ngjarjeje.

Pas verifikimive të kryera për identifikimin e tyre, në bashkëpunim edhe me drejtorinë e shkollës, u bë i mundur identifikimi i një të mituri që kishte filmuar konfliktin, si dhe identifikimi i 4 të miturave të përfshira në konflikt.

Në ambientet e Komisariatit të Policisë Nr. 6, në prezencë të prindërve dhe të punonjësve socialë, janë shoqëruar dhe po intervistohen 5 të mitur të moshave 13 dhe 14 vjeç (një djalë e 4 vajza).

Nga verifikimet paraprake të kryera, ka rezultuar se ngjarja ka ndodhur me datë 15.02.2023, në rrugën "3 Dëshmorët", dhe jo në ambientet e shkollës "Kongresi i Manastirit".

Vijon puna për sqarimin e rrethanave të konfliktit nëpërmjet shtetaseve të mitura.

Drejtoria Vendore e Policisë Tiranë falënderon mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie, në numrin 112, duke iu garantuar anonimat të plotë dhe reagim të menjëhershëm e të paanshëm.

Hodhi në përrua shokun që i vdiq nga mbidoza, historia e 47-vjeçarit që u dënua për përndjekjen e të dashurës

19:07 Kronika 1 koment

17 vjeç tentuan ta shfrytëzonin si prostitutë në Itali, Matilda Dautaj: U dashurova me shpëtimtarin tim, ai u arrestua për vrasje

18:47 Kronika 12 komente

DOSJA/ Përgjimet zbuluan mashtrimin e nënës dhe babait për vrasjen e djalit, 8 plagë në kokë

17:16 Kronika 2 komente

I zhdukur prej 7 muajsh, por Gjykata e Lartë shqyrton rekursin e Vis Martinaj

16:00 Kronika

Vodhën laptopin dhe 2 valixhe me pajisje mjekësore, arrestohen dy të rinj në Tiranë

14:40 Kronika

Vrasja e Pjerin Xhuvanit, Gjykata e Elbasanit rrëzon kërkesën e prokurorisë për arrest shtëpie për 6 efektivët

14:29 Kronika

Detaje nga arrestimi i Amar Shkëmbit në Abu Dhabi: U vëzhgua për 2 javë, ja si u zbulua!

13:50 Kronika 1 koment

Kërkoi ulje të dënimit, shtyhet seanca për Saimir Tahirin

12:32 Kronika 1 koment

Lihet në burg “spiunja” ruse, avokati Visha: Mjerë kush gjykohet sot

12:31 Kronika 4 komente

Tronditëse në Tiranë: 48-vjeçari vdes nga droga, shoku e mbajti disa ditë në shtëpi, pastaj e hodhi në përrua

12:01 Kronika 9 komente