Zjarrfikësit në “luftë me flakët”, 4 vatra aktive zjarri në vend, ndërhyn “Cougar”

4 vatra aktive zjarri janë aktualisht në të gjithë territorin e vendit. Ka qenë ministri i Mbrojtjes, Niko Peleshi i cili ka konfirmuar se zjarrfikësit janë në lutë me flakët në Balgjaj në fshatin Kurdari, në Mat, në Buza Dede mbi fshatin Gurë-Lurë si edhe midis malit të Xhyrës dhe njësisë administrative Qukës në bashkinë e Prrenjasit.

Situata vijon të jetë problematike në Mat, ku për shkak të terrenit të vështirë, në ndihmë të forcave zjarrfikëse ka shkuar edhe helikopteri Cougar.

“Problematike mbetet situata e zjarrit në Balgjaj në fshatin Kurdari. Forcat operacionale nën koordinimin e Agjencisë së Mbrojtjes Civile po vijojnë të mbajnë nën kontroll situatën, për të shmangur rrezikun pranë një stani me bagëti e dhjetëra koshere bletësh.

Në fshatin Madhesh, njësia administrative Ulëz në Mat zjarri i rënë ka marrë përmasa të menjëhershme dhe po avancon në drejtim të fshatit Stojan. Veç forcave operacionale në terren ka shkuar në ndihmë edhe helikopteri Cougar.

Vijon ndërkaq edhe operacioni për shuarjen e flakëve në vatrën e zjarrit të rënë në Buza Dede mbi fshatin Gurë-Lurë, ku flakët janë pranë liqeneve të Lurës.

Era e fortë ka vështirësuar aksionin për shuarjen e zjarrit edhe në vatrën e regjistruar një ditë më parë në midis malit të Xhyrës dhe njësisë admnistrative Qukës në bashkinë e Prrenjasit.

Të gjitha forcat operacionale janë shpërndarë me grupe në zona të ndryshme për të krijuar një perimetër për të ruajtur vijën e zjarrit ekzistues dhe për të fikur çdo aktivizim në kufijtë e zjarrit dhe në thellësi të tij”, njofton Peleshi.

SHBA: Krah SPAK në luftën kundër korrupsionit, krimit të organizuar dhe pandëshkueshmërisë

18:57 Kronika 2 komente

Pjesë e një organizate në Greqi, kush janë katër shqiptarët e arrestuar, me të shkuar të errët kriminale

18:13 Kronika 2 komente

Kërkoi rikthimin e 'Audit' luksoz, Gjykata e Lartë rrëzon rekursin e Kejvina Kthellës

16:30 Kronika 1 koment

Po lahej në lumin Drin, mbytet 13-vjeçari

15:40 Kronika

Atentati ndaj prokurorit Arjan Ndoj, zgjaten me 3 muaj hetimet për Ramazan Rrajën dhe 4 të tjerët

15:21 Kronika

Kërkuan heqjen e masës “arrest në shtëpi”, Gjykata e Lartë rrëzon Berishën dhe Malltezin

14:55 Kronika 2 komente

Kreshnik Spahiu: Padrejtësi e madhe! Arrestuan një zyrtare për një arkë peshk, por 4 peshkaqenët notojnë të lirë

14:30 Kronika 8 komente

Kërcënoi me armë kuzhinierin e lokalit në Velipojë, arrestohet 33 vjeçari i shpallur në kërkim

14:20 Kronika

SPAK nis hetimet për ’21 Janarin’, avokati: Është vrasje shtetërore! Hetimi të jetë i hapur, të përballen të gjithë

13:40 Kronika 3 komente

Terrorizoi me armë Korçën, 71-vjeçari neutralizohet nga forcat RENEA

13:31 Kronika 2 komente