Te fundit
14 “Projekte të ndryshme kinematografike” do mbështeten financiarisht nga Ministria e Kulturës
20 Maj 2026, 13:17Kulturë
TEMA
Qendra Kombëtare e Kinematografisë publikoi fituesit në kategorinë “Projekte të ndryshme kinematografike”.
Bëhet fjalë për gjithsej 14 projekte të cilat do të mbështeten financiarisht nga Ministria e Turizmit, Kulturës dhe Sportit, duke i hapur rrugë aktiviteteve dhe ideve të reja që do të pasurojnë peizazhin audiovizual dhe artistik në vend.
QKK e shpalli thirrjen në muajin mars dhe aplikimet u mbyllën më 15 prill. Synimi i kësaj mbështetjeje financiare është përkrahja e iniciativave që kontribuojnë në zhvillimin e industrisë audiovizuale në Shqipëri. Në këtë kategori përfshihen:
– Festivale filmi;
– Workshope dhe aktivitete trajnuese në fushën e kinemasë;
– Botime dhe iniciativa studimore;
– Aktivitete promovuese dhe projekte inovative.
Projektet fituese për kategorinë “Projekte të ndryshme kinematografike” janë:
“Edicioni i 24-të i Tirana International Film Festival (TIFF) 2026” prezantuar nga producenti Agron Domi, shtëpia kinematografike “Tirana Film Institute”;
“Balkan Film Market-Edicioni i 10-të” prezantuar nga producentja Rafaela Rica, shtëpia kinematografike “Iceberg CommuniCation”;
“ACE-Rrjetëzimi i Producentëve Evropianë”, prezantuar nga producentja Sabina Kodra, shtëpia kinematografike “Era Film”;
“Edicioni XXI i Festivalit Ndërkombëtar të Filmit për të Drejtat e Njeriut në Shqipëri-IHRFFA”, prezantuar nga producenti Kujtim Çashku, shtëpia kinematografike “Ora Film”;
“DEA OPEN AIR International Film Festival XIII Edition”, prezantuar nga producenti Edmond Topi, shtëpia kinematografike “Multi Media Studio Nositi”;
“Animating The Future: Trajnim, Zhvillim dhe Shkëmbim Ndërkombëtar”, prezantuar nga producenti Belina Jano, shtëpia kinematografike “Animated Society”;
“Festivali Ballkanik i Filmit dhe Kulinarisë – 2026 Edicioni XVI”, prezantuar nga producentja Gerta Qurku, shtëpia kinematografike “ACTION PRODUCTION”;
“Kuçova International Independent Film Festival-Edicioni I”, prezantuar nga producentja Zamira Kasa, shtëpia kinematografike “Open Vision”;
“Tirana 48 Hour Film Project – Edicioni i 17-të”, prezantuar nga producenti Ols Abazi, shtëpia kinematografike “NILOR ADV”;
“Tirana Mediterranean Film Festival – Edicioni II”, prezantuar nga producenti Ledion Zoi, shtëpia kinematografike “Parallel”;
“AI Film Festival Tirana (AIFF)”, prezantuar nga producentija Marjela Zajmi, shtëpia kinematografike “Kohë Production”;
“Open Cinema-Kinemaja Shëtitëse nëpër Shqipëri-Edicioni X” – Aktivitet Kombëtar, prezantuar nga producenti Steljo Gaçe, shtëpia kinematografike “Production Cinemania”;
“Luma”, prezantuar nga producenti Andi Begolli, shtëpia kinematografike “Begoli Production”;
“SKENA Workshop-Edicioni i 11-të”, prezantuar nga producenti Valmir Tertini, shtëpia kinematografike “vivFilms”.
A.K./TemA
Më të lexuarat
24 oret e fundit
Javen e fundit
Blog Tema
Lini një Përgjigje