Te fundit
Arbër Minxhozi emërohet Drejtor i Muzeut Kombëtar të Përgjimeve “Shtëpia me Gjethe”
6 Shkurt 2026, 20:11Kulturë
TEMA
Arbër Minxhozi emërohet Drejtor i Muzeut Kombëtar të Përgjimeve “Shtëpia me Gjethe”.
Lajmin e ka bërë të ditur ministri Blendi Gonxhja.
Më poshtë postimi i plotë:
Arbër Minxhozi emërohet Drejtor i Muzeut Kombëtar të Përgjimeve “Shtëpia me Gjethe”.
Me formim në administrim dhe menaxhim, përvojë të kombinuar në sektorin privat dhe publik, si dhe trajnim ndërkombëtar në lidership dhe qeverisje publike, përfshirë programe ekzekutive pranë Harvard Kennedy School, Arbër Minxhozi sjell një profil drejtuesi që ndërthur mendimin strategjik me një qasje bashkëkohore dhe të ndjeshme ndaj rolit të institucioneve kulturore.
Përvoja e tij profesionale është ndërtuar mbi zhvillimin e projekteve që afrojnë institucionet me publikun, përmes komunikimit, edukimit dhe aktivizimit të hapësirave kulturore, me një vëmendje të veçantë ndaj të rinjve, pjesëmarrjes qytetare dhe krijimit të modeleve funksionale që ndërtojnë vlera afatgjata.
Vizioni i platformës së përzgjedhur mes një procesi transparent për drejtimin e ri të Muzeut Kombëtar të Përgjimeve “Shtëpia me Gjethe” synon ta zhvillojë muzeun si një platformë aktive dijesh dhe përvoje, ku historia kuptohet dhe përjetohet përmes formateve edukative, workshopeve rinore, përdorimit të menduar të teknologjisë inovative dhe përvojave më interaktive për vizitorët, krahas rrjetëzimit e burimeve alternative të mbështetjes.
Qasja e tij synon forcimin e rolit të muzeut në jetën kulturore dhe turistike të qytetit, duke e pozicionuar “Shtëpinë me Gjethe” si një hapësirë ku edukimi, reflektimi historik dhe turizmi kulturor bashkohen në mënyrë natyrale dhe bashkëkohore.
I urojmë suksese Arbërit, duke falenderuar drejtoreshën Etleva Demollari që i le stafetën pas shumë viteve kontributi e drejtimi pozitiv!
A.K./TemA
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo, Muzeumeve nuk u duhen historiane...
Ironia qëndron kur thonë që u zgjodh në mënyrë transparente dhe me konkurs, nga ana tjetër, drejtoresha e MHK ( të dy anonimë në fushën e dijes historike, thjesht emërime nepotike) ngre "kujën" për mungesën e të rinjve që duan të studiojnë historinë. Përfitoni, koha paska qene e juaja, maskarenj.