Te fundit
Ekspozohen thesaret e Bibliotekës/ Misha: ka libra mjaft të rrallë, mjaft të rëndësishëm në historinë botërore të kulturës.
19 Nëntor 2025, 16:25Kulturë
TEMA
"Koleksioni i Biblave”, pjesë e fondit të Bibliotekës Kombëtare, ofron një udhëtim të rrallë në botën e librave të shenjtë dhe dorëshkrimeve që kanë shënuar shekuj kulture. Ekspozita, e cila do të çelet mbasditen e kësaj të mërkure, sjell për herë të parë pranë publikut një numër mbresëlënës Biblash të rralla, të shtypura në Itali, Francë, Gjermani, Holandë, Greqi e gjetkë, nga mesi i shekullit XV deri në shekullin XIX, së bashku me dorëshkrime me pjesë të Shkrimeve të Shenjta.
“Është një koleksion i jashtëzakonshëm. Këtu janë të ekspozuara 452 bibla. Është një thesar që pak njihet dhe që duhet njohur, sepse është pasuri e të gjithë neve.”, thotë për “Report TV”, drejtori i Bibliotekës Kombëtare, Piro Misha.
Ky koleksion i madh biblash vetëm sa e shton kuriozitetin për këdo që do të vizitojë ambientet e bibliotekës kombëtare e cila e ka arkivin plot me libra të rrallë të të gjithë epokave..
Ekspozita ndahet në dy pjesë.
“Pjesa e parë është koleksion i përgjithshëm me Bibla nga vende të ndryshme që fillon që në vitet 1400- 1450 deri në shekullin e XIX. Përgjithësisht ka libra mjaft të rrallë, mjaft të rëndësishëm në historinë botërore të të kulturës. Pjesa e dytë që është më konkrete afër nesh ka të bëjë me historikun e përkthimit të Biblës në shqip ose shkrimeve të shenjta në shqip.”, shpjegon Misha.
Në ekspozitë gjenden bibla nga përkthimet prej Buzukut, Budit e Bogdanit, mandej rilindësve dhe figurave të mëdha, si: Kristoforidhi, Qiriazi, Fan Noli e Dom Simon Filipaj, deri tek përpjekjet e Shoqërisë Biblike Angleze në shekullin XIX. Kjo ekspozitë ndërthur një sërë elementësh, nga historia te kultura apo trashëgimia gjuhësore e fetare që dhe për njerëzit e sotëm laikë janë të rëndësishëm. A.K./TemA
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Eshte per te ardhur keqe qe bibloteka nuk e permend te kujt kane qene keto bibla qe i ka ne fondin e saj bibloteka? Eshte e drejte qe librat te shoqerohen nga historia e tyre.
gjakdhjeri pa identitet gerrko servi arrixhinji misha duhet ti rrije sa me larg biblotekes dhe librave shqiptar....
Paska harruar të lyejë flokët me bojë këpucësh plaku Miça.