Te fundit
Java kulturore kroate ngre siparin me operan "Friendship"
18 Nëntor 2025, 16:07Kulturë
TEMA
Nga dje e deri më 20 nëntor do të zhvillohen aktivitetet e Javës Kulturore Kroate, një homazh ky për miqësinë mes dy shteteve.
Publiku i Tiranës do të ketë mundësinë të shijojë një sërë aktivitetesh që pasqyrojnë pasurinë shpirtërore dhe krijuese të Kroacisë. Artdashësit do të zbulojnë Kroacinë përmes muzikës, filmit, filozofisë dhe trashëgimisë kulturore.
Java Kulturore Kroate nis me Koncertin Operistik të Miqësisë (Opera Friendship) i cili hapi dje në darkë, këtë javë festive, duke bashkuar artistë të shquar kroatë dhe shqiptarë në një mbrëmje të jashtëzakonshme muzikore.
Filmi “A Blue Floëer”, nën regjinë e Zrinko Ogresta, sjell në ekran një histori prekëse për jetën, kujtesën dhe reflektimin, duke ofruar një përvojë artistike për publikun shqiptar. Filmi do të shfaqet nesër, në Qendrën e Artit “Agimi”.
Ndërsa “Dita e Kravatës”, simbol i krenarisë kombëtare kroate, do të shënohet me një ekspozitë të veçantë dhe një paradë madhështore të Regjimentit të Kravatës nga Zagrebi, që do të sjellin në bulevardin kryesor të Tiranës hijeshi, solemnitet dhe traditë, më 19 nëntor, sikur të ishin festimet për pavarësinë e Shqipërisë.
Ligjërata “Ndërtimi i një Europe të Paqes: Roli i Kroacisë” nga filozofi dhe akademiku prof. Pavo Barišić do të ofrojë një reflektim mbi rolin e Kroacisë në projektin evropian të paqes dhe bashkëpunimit.
Në të gjitha aktivitetet e kësaj jave, hyrja do të jetë e lirë dhe pa biletë.
A.K./TemA
Më të lexuarat
24 oret e fundit
Javen e fundit
Blog Tema
Lini një Përgjigje