Gonxhja: numri i vizitorëve në parkun e Butrintit ka pasur rritje prej 147% krahasuar me vitin 2023

Ministri i Turizmit, Kulturës dhe Sportit, Blendi Gonxhja deklaroi sot në një konferencë për mediet se, numri i vizitorëve në parkun e Butrintit ka pasur rritje prej 147% krahasuar me vitin 2023 dhe një rritje të të ardhurave prej 218%.

I pyetur sa i përket shqetësimit të opozitës për parkun e Butrintit dhe resortit që po ndërtohet në Gjirin e Manastirit, se nuk ka asnjë të ri sa i përket qëndrimit të opozitës lidhur me këtë ndërtim.

“Nuk ka një çështje konkrete sot që të lidhet me Ministrinë apo me ndonjë prej procedurave të Ministrisë, apo me zonën e mbrojtur të Butrintit, sepse kjo zonë nuk është në zonën e mbrojtur të Butrintit, është e përjashtuar nga kjo zonë”, tha ministri, teksa shtoi se, nuk e ka ndjekur qëndrimin e Partisë Demokratike.

Gonxhja u ndal edhe për disa lajme në medie të ndryshme lidhur me angazhimet Shqipërisë përpara UNESCO-s dhe në lidhje me gjithë angazhimin institucional për mbrojtjen e pasurive.

“Ne si institucion, vijojmë me përpikëri zbatimin e të gjitha rekomandimeve të KLSH-së. Sepse dhe kjo është thënë në disa prej medieve që sikur nuk kemi zbatuar asnjë prej rekomandimeve dhe jemi në thyerje të rekomandimeve etj. I kemi integruar, madje këto rekomandime në pjesën më qendrore të strategjisë tonë të mbrojtjes së vlerave universale kombëtare”, tha ai.

Ministri shtoi se, në kuadrin ligjor dhe strategjik, gjatë periudhës së fundit 2024-2025, ka pasur një përparim shumë të rëndësishëm në plotësim të kuadrit nënligjor në ligjin për trashëgiminë kulturore dhe muzetë.

Duke folur për progresin në trashëgiminë kulturore dhe UNESCO, Gonxhja tha se, sa i përket ndërhyrjeve konservuese janë realizuar 65% e ndërhyrjeve emergjente në Berat dhe Gjirokastër në vitin 2025.

Po ashtu, ai shtoi se, është realizuar drafti për planin e Menaxhimit të Integruar për Qendrat Historike të Beratit dhe Gjirokastrës.

Sa i përket rajonit të Ohrit po bashkëpunohet me Maqedoninë e Veriut, për Vlerësimin Strategjik Mjedisor (SEA).

Ndër ndërhyrjet konkrete Gonxhja përmendi restaurimin dhe gërmimet arkeologjike në Kalalanë e Gjirokastrës dhe menaxhimin i Parkut Kombëtar të Butrintit, ku numri i vizitorëve u rrit me 147% dhe të ardhurat me 218%.

Gjatë vitit 2025, u shpallën me sukses disa zona të mbrojtura, përfshirë Ansamblin Arkitektonik Urban të Peshkopisë, Konispolit, qendrën historike të fshatit Rabdisht, si dhe zonat arkeologjike A dhe B të Lezhës dhe Krujës.

Në katërmujorin e parë të vitit 2026 u miratuan vendime për Ansamblin Arkitektonik Urban Lin, pasurinë kulturore të paluajtshme të zonës arkeologjike A të qytetit antik të Bushatit, Ansamblin Arkitektonik Urban Delvinë dhe krijimin e Parkut Arkeologjik Bylis-Klos.

Sa i përket investimeve të Fondacionit të Butrintit, ministri u shpreh se, janë realizuar ndërhyrje të shumta për menaxhimin e sitit dhe përvojën e vizitorëve, përfshirë përmirësimin e sinjalistikës, rehabilitimin e parkingut, biletarisë dhe tualeteve, si dhe zhvillimin e sistemeve të reja interpretative si audioguidat dhe panelet informuese.

Paralelisht, theksoi ai janë ndërmarrë projekte infrastrukturore, si rikonstruksioni i rrjetit elektrik 20 kV, instalimi i hidranteve kundër zjarrit, ndriçimi i parkut dhe ndërtimi i platformave të aksesit.

Në fushën e konservimit, Fondacioni ka hartuar dhe zbatuar projekte për ndërhyrje emergjente në monumente, mirëmbajtjen e rreth 9 monumenteve dhe restaurimin e Kalasë Veneciane, duke avancuar edhe në krijimin e strukturave kërkimore përmes Butrint Research Group. A.K./TemA

Shkodër/ Ngre siparin ekspozita e veçantë e fotografes polake Zofia Rydet në Muzeun “Marubi”

08:56 Kulturë 3 komente

Gonxhja: Muzeu i ri Arkeologjik pranë sheshit "Nënë Tereza" është i nevojshëm për Tiranën

19:51 Kulturë

Poezia e përjetimit në vëllimin "Shi me baltë" të Mero Bazes

18:23 Kulturë

Zhvillohet edicioni i dytë i koncertit “Ymer Skënderi”

17:10 Kulturë

VIDEO: Presidenti i Republikës, Bajram Begaj vizitoi ekspozitën e artistit Helidon Haliti, e titulluar “Mish dhie”

15:59 Kulturë 1 koment

Paul McCartney ka njoftuar zyrtarisht albumin e tij të ri

13:57 Kulturë

Helidon Haliti çeli ekspozitën e vet "Mish dhie"

11:59 Kulturë

Ribotohet pas 3 dekadash studimi për Mbretin Zog

09:04 Kulturë 6 komente

Përzgjedhje e investimeve të qëndrueshme dhe me impakt afatgjatë në turizëm. Gonxhja takohet me përfaqësues të Bankës Botërore

19:50 Kulturë

Akademia e Shkencave promovon librin “Kur heshtja flet”, të autorit Ahmet Shala

16:50 Kulturë 7 komente