Te fundit
Gonxhja: Parku Arkeologjik i Bylisit dhe Klosit po hyn në një fazë të re zhvillimi
1 Prill 2026, 13:13Kulturë
TEMA
Ministri i Turizmit, Kulturës dhe Sportit, Blendi Gonxhja bëri të ditur se Parku Arkeologjik i Bylisit dhe Klosit po hyn në një fazë të re zhvillimi, me një qasje të integruar që synon ta kthejë këtë pasuri të rrallë në një eksperiencë të plotë kulturore dhe turistike
Në mbledhjen e djeshme të Këshillit Kombëtar të Territorit dhe Ujit u miratua Leja e Zhvillimit për projektin dhe investimin që fillon së shpejti. MTKS po përmbyll punën për aktet nënligjore që janë tashmë gati për aspektin administrativ e menaxhues.
Gonxhja tha se, projekti, i mbështetur nga Bashkimi Evropian dhe qeveria italiane, parashikon ngritjen e një qendre të re multifunksionale, hartimin e një masterplani të pikave të interesit, si dhe përmirësimin e aksesit, parkimit dhe sigurisë në park.
“Qendra Multifunksionale konceptohet si një hapësirë dinamike që ndërthur funksione muzeale dhe interpretimi, sallë për aktivitete kulturore, kënd informacioni, librari e suvenire, kafeteri, laborator konservimi dhe ambiente shërbimi për vizitorë e personel, duke e kthyer Bylisin dhe Klosin nga një sit arkeologjik, në një eksperiencë të plotë kulturore, edukative dhe turistike”, u shpreh ministri Gonxhja.
MTKS në bashkëpunim me Institutin Kombëtar të Trashëgimisë Kulturore dhe partnerin ndërkombëtar AICS, synon jo vetëm konservimin e trashëgimisë, por edhe zhvillimin e qëndrueshëm të zonës përmes turizmit dhe kërkimit shkencor.
A.K./TemA
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
o ju dini te hidhni vetem beton o mik...
Bravo qe pa pastroni therrat qe e kane rrethuar, mos beni lajme pa e pare ndryshimin dhe per kete duhet te flasim komuniteti jo ministri