'Ishim në Kosovë kur Kadare mësoi se u dogj shtëpia e tij', Bujar Hudhri i emocionuar ndan kujtimet me shkrimtarin në 89-vjetorin e lindjes

Në shtëpinë e lindjes së Ismail Kadare në Gjirokastër u mbaj të martën pasdite një aktivitet përkujtimor, organizuar nga Qendra për Hapje dhe Dialog, me rastin e 89-vjetorit të lindjes së shkrimtarit të shquar. Ky është viti parë pa Kadarenë, i cili u nda nga jeta, korrikun e vitit të shkuar. Miq të shkrimtarit, dashamirës të letrave, intelektualë vlerësojnë figurën e tij ndërsa në shtëpinë e lindjes, kthyer në muze, vizitorët prekin nga afër jetën e Kadaresë dhe veprat e tij letrare. Botuesi, Bujar Hudhri ndan me publikun momente të rëndesishme qe shenjuan jetën e shkrimtarit.

“Është shumë prekëse të jem sot këtu për ditëlindjen e Kadaresë në shtëpinë e lindjes. Këtë shtëpi kam pasur mundësinë që ta shoh herët këtë shtëpi dhe gjithashtu kujtoj momentin kur u dogj. Ne ishim në Prishtinë në vitin 1999 në panarin e librit kur Kadare mori vesh se shtëpia e tij u dogj dhe më kujtohet qëndrimi i tij dinjitoz që nuk e vrau mendjen fare, as donte t’ia dinte, sepse gjendeshim në Kosovë në vendin e shkretuar nga lufta dhe ai nuk mund të fliste për shtëpinë e tij. Më pas  kur erdhëm në Tiranë shprehu dëshirën që të ishte shtëpi muze. Ia dhuroi qytetit të tij. Është një veprim i jashtëzakonshëm, sepse në ndërgjegjen e tij ka qenë si themelI i veprës së tij. Mijëra njerëz, lexues duke ecur në këtë shtëpi të mund të ndjenjë magjinë e një shkrimtari të madh. Është thelbi I tij dhe veprës së tij”, u shpreh u emocionuar, Bujar Hudhri, botues i “Onufrit”, duke theksuar se mungesa e tij do ta madhështojë emrin dhe veprën e Kadaresë.

Në nder të tij u zhvillua dhe në Durrës aktiviteti “Poetët jetojnë gjatë”. Një portret në kanavacë, 16 poezi të Kadaresë interpretuar nga trupa e aktorëve të teatrit, të shoqëruar nën tingujt e muzikës dhe përcjellë me zërin e Mezzo Sopranos, Olta Jubës, krijuan një eksperiencë unike për publikun.

Ismail Kadare lindi më 28 janar 1936 në Gjirokastër dhe u nda nga jeta më 1 korrik 2024 në Tiranë. Kadare është shkrimtari më i mirë i letërsisë shqipe, përkthyer në 45 gjuhë të botës dhe fitues i disa çmimeve letrare ndërkombëtare. “Gjenerali i ushtrisë së vdekur”, Pallati i ëndrrave”, “Kështjella”, “Kronikë në gur”, “Nëpunësi i pallatit të ëndrrave” janë disa prej veprave më të njohura.

Zef Mala “komunisti i ridënuar”

21:42 Kulturë 1 koment

E shkuara është vendi ynë

20:39 Kulturë 3 komente

Durrës, drejt fundit rikonstruksioni i Galerisë së Arteve Pamore “Nikolet Vasia”

19:28 Kulturë

Përkujtohet Kadare, mbahet në Durrës eventi në kujtim të shkrimtarit të madh

17:54 Kulturë

“Aida” e Verdit, së shpejti në TKOB me produksion të Zeffirelli-t

17:27 Kulturë

165 vite nga lindja e Anton Çehovit, një prej shkrimtarëve më të mirë që ka njohur bota

16:41 Kulturë

Zef Shoshi ekspozon librat dhe nudot e ndaluara në QKLL

15:53 Kulturë

Kënga “Zjerm” e teta në radhë në gjysmëfinalen e parë të Eurovision-it

15:26 Kulturë

Ndahet nga jeta akademik Minir Dushi, figurë e shquar e shkencës dhe arsimit në Kosovë

14:29 Kulturë

Gilpin: 40 profesionistë nga e gjithë bota do të trajnojnë kineastët shqiptarë

13:25 Kulturë