Ka progres në rinovimin e Muzeut Kombëtar (VIDEO)

Në Muzeun Historik Kombëtar po vijon puna për transformimin e tij në një institucion modern dhe të denjë për ruajtjen dhe paraqitjen e trashëgimisë historike të vendit.

Kryeministri Edi Rama ndau sot pamje nga kantieri i rilindjes së Muzeut Historik Kombëtar, duke e cilësuar atë si një thesar i rëndësishëm i turizmit kulturor.

Pas një kohe të gjatë sfidash dhe dëmtimesh, përfshirë tërmetin e 2019-të, Muzeu Historik Kombëtar është në fazë restaurimi, rikonstruksioni dhe muzealizimi.

Kjo është ndërhyrja më e rëndësishme që po realizohet në këtë institucion simbol, në kuadër të programit EU4Culture, nën drejtimin e UNOPS, me mbështetjen e Bashkimit Evropian dhe MEKI.

Në fazën e parë, punimet përfshijnë: paketim dhe evakuim të artefakteve, konsolidim dhe përforcim strukturor, rinovim të fasadave dhe izolimin e çatisë, instalimin e sistemit të monitorimit CAM, restaurimin e fasadës me teknologji moderne (fibra karboni dhe xhaketim kolonash).

Ndërkohë, faza e dytë e punimeve vijon me transformimin rrënjësor, që do të përfshijë: shtesa nëntokësore me laboratorë e hapësira teknike; fasadën e brendshme “Oculus” prej xhami dhe mbulesën ikonike; sisteme moderne MEP, mbrojtje nga zjarri, muzeologji bashkëkohore dhe mobilim tërësor.

Muzeu Historik Kombëtar është një ndër muzeumet më të vizituara në Shqipëri. Projekti për restaurimin e tij është një operacion i jashtëzakonshëm, i udhëhequr nga “Casanova & Hernandez Architects”, Hollandë, mbështetur në analizën e një skuadre profesionistësh të shkencave albanologjike. A.K./TemA

Rikthehet për dashamirësit e kinemasë "Kinema Republika" në Shkodër

10:48 Kulturë

Zhvillohet në qytetin e Librazhdit Konkursi Letrar "Sami Leka" 2025

09:27 Kulturë

Rama inspekton në Petrelë kantierin e "Kengo Art Park"

08:46 Kulturë 3 komente

PIKTURA E DITËS: "Malsorja" - Simbol i traditës kurbinase nga mjeshtri Ndue Pepa

18:51 Kulturë 1 koment

LIBRI I DITËS: "Tabloja"- Një ROMAN misterioz mbi kujtimet, humbjen dhe një të vërtetë të mohuar prej vitesh

16:44 Kulturë 1 koment

Elegji për Shemin

14:35 Kulturë

"Arrëthyesi" vijon të sjellë magji në skenën e TKOB

12:43 Kulturë

Krishtlindja ndër arbëreshë

10:44 Kulturë 2 komente

Gonxhja: Projekti i Teatrit të ri Kombëtar po merr formë dita ditës (VIDEO)

08:48 Kulturë 1 koment

Fier/ Vendoset në skenë “Metoda Gronholm”

08:42 Kulturë 1 koment