Te fundit
Mbahet në Tiranë panairi i librave të vjetër dhe të përdorur! Mes titujve, libra të rrallë, botime të para vitit 1945
5 Korrik 2025, 12:52Kulturë
TEMA
Janë libra të vjetër, të rrallë e të përdorur, por edhe botime të reja, të cilat prezantohen në një panair, që për dy ditë mbahet nga “Pika pa sipërfaqe” e që tashmë është shndërruar në traditë. Mes titujve të prezantuar ka botime të rralla, të cilat rëndom nuk gjenden në biblioteka.
“Librat e vjetër e të përdorur janë të shumëllojshëm për nga autorët, gjuha dhe fusha e studimit. Librat e vjetër i blejmë kryesisht nga familje që nxjerrin në shitje një pjesë ose të tërë bibliotekën e tyre. Po kështu veprojmë edhe me librin e rrallë, por për të ne blejmë dhe nga koleksionistë ose shitës të huaj të librave që janë botuar para 1945.”, - thotë për "Report TV", Joli Lamaj, redaktore e "Pika pa sipërfaqe".
Librat e rrallë që vijnë për lexuesin janë të shumtë dhe çmimet e tyre variojnë nga të ulëta ndonjëherë deri në disa qindra mijëra lekë.
“Mes librave të rrallë që vijnë për lexuesin janë ky botim i Visaret e Kombit (vëllimi i III), botim i 1937, me mbledhje te materialit folklorik nga Filip Fishta dhe Karl Gurakuqi. 'Kosova, djepi i shqiptarizmit', një botim i 1943, nga Ramit Kokalari. Një libër me çështje historiko-politike. Është i veçantë se përmban edhe hartat e vjetra etnografike.”, - tregon Lamaj.
Dy libra të tjerë të veçantë janë edhe një Fjalor i Arbëreshëve t’Italisë i vitit 1963, si dhe një dispensë për xhirimin e filmave të animuar.
“Është i veçantë pasi është botim i periudhës komuniste, por i rrallë ne llojin e vet, duke qene se përshkruan metodikën e xhirimit të këtyre filmave dhe teknikat e asaj kohe për këtë lloj kinemaje.”
Sipas Lamajt, synimi i këtij panairi është që të rrisë kontaktet me lexuesit, studiuesit e dashamirësit e kulturës në përgjithësi ndërsa çmimet janë të përballueshme. Ata që vizitojnë panairin janë të ndryshëm, dashamirës të artit dhe kulturës, ose studiues e studentë, por edhe të huaj, që për interesa të ndryshme vizitojnë dyqanin dhe panairin, shkruan shqiptarja.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po librat qe ka "lexuar" gjyshja e Edit perse nuk jane ekspozuar ne panair ?Nga keto libra sic thote vete Edi ajo i ka treguar shpreje magjike si: " Te kesh dy bythe njeren per t'a care (sc ka care pidhin) dhe tjetren per te dhjere" etj etj.
Në bibliotekën time personale kam rreth 10 libra të botuar para vitit 1944, si psh "Bota shqiptare", - një enciklopedi e dokeve, zakoneve dhe qytetërimit shqiptar, "Fjalorth shqip", fjalor gjuhë e huaj - shqip, ku biçikleta përkthehej psh si "dyrrotak", publike si "botore", etj etj. Po ashtu "Gjuha shqipe" e Eqerem Çabejt, botim i vitit 1937, "Patriotizma në Tiranë" e Ibrahim Deliut etj. Vetëkuptohet që i kam trashëgimi nga të parët e mi arsimtarë dhe përkthyes.
Pse nuk e dija se do të ketë panair të librave të vjetër?