Te fundit
"Nëse bota do të banohej vetëm nga ju dhe artistët, do të jetonim të gëzuar"/ Sorrentino batutë me Mattarellën
14 Maj 2026, 14:00Kulturë
TEMA
Regjisori i njohur italian Paolo Sorrentino bëri një batutë me humor ndaj presidentit italian Sergio Mattarella gjatë ceremonisë së 145-vjetorit të krijimit të SIAE në Pallatin Quirinale.
“Nëse bota do të banohej vetëm nga ju dhe artistët, do të jetonim të gëzuar dhe paqësisht. Fatkeqësisht, janë edhe të tjerët”, u shpreh Sorrentino, duke shkaktuar buzëqeshje mes të pranishmëve.
Paolo Sorrentino konsiderohet një nga autorët më të rëndësishëm të kinemasë europiane bashkëkohore. Ai është fitues i çmimit Oscar për filmin “The Great Beauty”, ndërsa veprat e tij njihen për stilin vizual poetik, ironinë dhe reflektimet mbi pushtetin, famën dhe vetminë moderne.
Në fjalën e tij, presidenti Mattarella vlerësoi rolin e SIAE në mbrojtjen e autorëve dhe kulturës italiane.
“SIAE mbron autorët dhe krijimtarinë, duke dhënë një kontribut vendimtar në jetën kulturore, sociale, civile dhe ekonomike të vendit, por edhe në ndërgjegjen e shoqërisë sonë”, deklaroi ai.
SIAE është Shoqata Italiane e Autorëve dhe Botuesve, institucioni që merret me mbrojtjen e të drejtave të autorit në Itali, duke administruar honoraret dhe përdorimin e veprave muzikore, filmike, letrare e artistike.
Sipas Mattarellës, mbi 126 mijë autorë dhe rreth 30 milionë vepra tregojnë rëndësinë dhe ndikimin e institucionit në kulturën italiane. A.K./TemA
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Humor po, bazuar te e vërteta, jo. Me të mund të qeshësh vetëm nëse rri në sipërfaqen e tij. Artistët i kanë më të fuqishme veset dhe mëkatet e njeriut: kryesori, ai që shpie në luftëra lokale e botërore - egoizmi, mania për t'i pasur të gjitha vetëm njëri. Nuk mund të ketë botë psh vetëm me minj, pa ata që kufizojnë numrin e tyre; pa të kundërtën ekzistenca do të bazohej ta kanibalizmi. Përfytyroni artisët duke ngrënë njëri-tjetrin për të kuptuar të vërtetën që fsheh në thelb humori.