Te fundit
Premiera e operas 'Rozafa'/ Tukiçi: Një legjendë që meritonte të ngjallej në muzikë
24 Prill 2025, 10:42Kulturë
TEMA
I ftuar në emisionin "Ora e Betit", që transmetohet në "Ora News", ishte kompozitori i njohur David Tukiçi, i cili ndau me publikun emocionet dhe historinë pas krijimit të operës së tij më të re, të titulluar "Rozafa", një vepër e frymëzuar nga legjenda e njohur shqiptare që e ka shoqëruar që në fëmijëri.
" Për legjendën 'Rozafa' unë mund të them që e kam pasur në shpirt që kur kam lindur sepse babai im, Ibrahim Tukiçi e këndonte gjithmonë këngën që ishte për Rozafën.
Edhe melodinë e mbaj mend dhe gjithmonë e kisha këtë dëshirë që të shkruaja për këtë legjendë kaq të famshme në vendin tonë por dhe unike ndofta në të gjithë botën sepse ka me mijëra kështjella apo kala në botë por asnjëra nuk ka një legjendë kaq interesante sa ç'është Rozafa.
Unë pikërisht pra i lindur në qytetin e Shkodrës kam shkruar edhe një koncert shumë vite më parë me titullin 'Rozafa', ku unë në mendjen time fantazoja për Rozafën dhe nuk ka një program të detajuar ky koncert, të cilin ma ka luajtur në mënyre virtuoze i ndjeri Pandush Gjezi, me dirigjentin Eno Koço. Nuk isha i kënaqur me kaq.
Unë doja që këtë legjendë ta bëja një opera, ta ngjallja Rozafën", u shpreh Tukiçi. /rtvora/
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mjeshter Davidi, i njohur per aftesite e tij muzikore dhe operistike, duhet te jete disi me modest ne lidhje me folklorin apo historine e tij duke qene se ne aspektin e legjendave, ajo e kalase se Rozafes nuk ka ndonje risi: eshte motiv madje i kodifikuar ne folklorin boteror si "The Human Sacrifice in Foundation". Ketu mund te permenden: Meșterul Manole (Rumani), shume e famshme dhe lidhet me murimin e nje gruaje per te mbajtur ne kembe Manastirin; Ura e Lovecit (Bullgari) dhe lidhet me murimin e nje gruaje per te mbajtur ne kembe uren; edhe ne Hungari eshte nje e ngjashme, sakrifikimi i bashkeshortes gjithmone, qe kalaja te mos rrezohet. Suksese mjeshtrit ne kete iniciative dhe do te deshiroja qe opera e tij te jete nje vlere e shtuar dhe origjinale per kalane tone te bukur Rozafa, sic e njohim, apo Rezafa (sic mendohet, nga studiues te spikatur, se eshte emri i vertete i Kalase).
Sa qënka plakur. Normalisht si gjithë ne të tjerët. Sidoqoftë suksese me operën. Më kujtohet kënga e tij, "Globi rrotullohet" dhe sidomos "Agapimu" në mos gaboj. Me Nertilën. Si fluturon koha!