QKK nënshkruan marrëveshjen me Bashkinë e Matit

Kryetari i Qendrës Kombëtare të Kinematografisë, Jonid Jorgji dhe kryetari i bashkisë Mat, Altin Bojni, në praninë e zëvendëskryeministres Albana Koçiu dhe ministrit të Turizmit, Kulturës dhe Sportit, Blendi Gonxhja, nënshkruan sot marrëveshjen e bashkëpunimit për rijetëzimin dhe funksionimin e hapësirave kinematografike publike.

Marrëveshja synon modernizimin e këtyre hapësirave dhe zhvillimin e një programi të rregullt filmik e kulturor për komunitetin, duke vendosur në qendër bashkëpunimin institucional dhe angazhimin për rritjen e aksesit në artin filmik.

Sipas ministrit Gonxhja, në fokus është bashkëorganizimi i shfaqjeve filmike, aktiviteteve kulturore dhe edukimit artistik, në funksion të një jete kulturore më të pasur për qytetarët.

Gonxhja theksoi se “filmi dhe kinemaja janë tashmë një dritare e re drite e kulture në sallën e saporindërtuar që inauguruam, por së shpejti, me mbështetjen e Ministrisë së Turizmit, Kulturës dhe Sportit dhe të QKK, Mati do të ketë edhe rindërtimin e kinemasë së vjetër të qytetit, për të cilën sot u angazhuam përpara të ftuarve, në bashkëpunim me bashkinë”.

Në kuadrin e javës së komunikimit publik mbi Integrimin Evropian u shfaq filmi me metrazh të shkurtër Sheets (Çarçafët) (2022) i regjisores Evi Gjoni me skenar të Genc Përmetit dhe Sven Dagones, realizuar me mbështetjen e QKK, që trajtonte temën e historisë së një familjeje që përpiqet të mbijetojë në një sistem totalitar distopik.

Ata gjenden papritur përballë një dileme të fortë morale: të raportojnë tek autoritetet shtypëse një familje emigrantësh që u kërkon ndihmë, apo të zgjedhin të ruajnë dinjitetin njerëzor, duke rrezikuar kështu drejtpërdrejt jetën dhe sigurinë e tyre. “Është një përplasje e fuqishme mes instinktit bazik të vetmbrojtjes dhe humanizmit”, shkruan ministri.

Ky film është vlerësuar me çmime dhe vlerësime, si: Trieste Film Festival: Çmimi i Publikut dhe Përmendje Speciale nga Juria; Athens Short Film Festival: Filmi më i mirë i shkurtër; Paris International Film Aëards: Regjisorja më e mirë; Florence Film Awards: Filmi më i mirë narrativ i shkurtër (Best Narrative Short); Best Shorts Competition (SHBA): Award of Excellence. A.K./TemA

PIKTURA E DITËS: “Në lëmë”, 1977 - Vepër e Foto Stamo, koha kur vendit i duhej të siguronte ‘bukën e gojës’

19:23 Kulturë

Çelet ekspozitë e Salvador Dali në COD

19:22 Kulturë

Durrës/ Organizohet “Moisiu i Ri", festivali teatror për të rinj

17:13 Kulturë

Rama i kërkon bashkive të identifikojnë shtëpitë potenciale për muzealizim

15:20 Kulturë 4 komente

Vigjila e Pashkës Katolike! Imzot Arjan Dodaj: Mos u dorëzoni përballë vështirësive!

14:35 Kulturë 1 koment

Dy kryevepra operistike vijnë në TKOB

13:12 Kulturë

Do të rikonstruktohet Pallati i Kulturës "Shefqet Doda" në Mat

11:15 Kulturë

Çelet ekspozita me disa piktura të shkrimtarit të madh Ismail Kadare

09:10 Kulturë 2 komente

PIKTURA E DITËS: “Vaditja e Luleve” e Agron Dines si një metaforë për të ushqyer rritjen dhe "jetën e re" të shtetit socialist

17:17 Kulturë 1 koment

Olen Çesari rikthehet në skenën e Pallatit të Kongreseve

16:10 Kulturë