Te fundit

Robert Bisha tregon ngjashmëritë mes këngëve të Veriut dhe iso-polifonisë

15 Shkurt 2026, 16:23Kulturë TEMA
Robert Bisha tregon ngjashmëritë mes këngëve të Veriut

Në një fragment nga biseda në Apostrof Podcast, kompozitori Robert Bisha ndalet te ngjashmëritë mes këngëve të Zadrimës dhe traditës së iso-polifonisë shqiptare. Sipas tij, ajo që i bashkon këto forma muzikore është karakteri minimalist dhe përsëritës: fraza të shkurtra, struktura të thjeshta dhe ritme që ndërtohen gradualisht përmes përsëritjes.

Ndryshe nga këngët me melizma të gjata, tipike për disa tradita mesdhetare apo urbane, këto këngë ruajnë një formë më të përmbajtur dhe esenciale, ku fraza mbyllet shpejt dhe rifillon, duke krijuar një ngritje të natyrshme të tonalitetit. Për Bishën, kjo logjikë muzikore lidh jo vetëm Zadrimën me Malësinë, por edhe me tradita të tjera shqiptare, si këngët e Mirditës dhe iso-polifonia, duke treguar një gjuhë të përbashkët muzikore që shtrihet përtej ndarjeve gjeografike.

Ndiq episodin e plotë të Apostrof Podcast:

Muzika, tradita, anarkia dhe kërkimi për lirinë | Robert Bisha | Apostrof #57

Më të lexuarat

Blog Tema

Powered by Tomorrow.io